ప్రైవేట్ వాహనాలకు (కార్లు, జీపులు, వ్యాన్లు వంటివి) కేంద్రం గుడ్‌న్యూస్ చెప్పింది. వాహ‌దారుల కోసం ఫాస్ట్ ట్యాగ్ ఆధారిత వార్షిక పాస్‌ (Fastag Annual Pass) ను ప్రవేశపెడుతున్నట్లు కేంద్ర రోడ్డు రవాణా మంత్రి నితిన్ గడ్కరీ ట్వీట్ చేశారు. ₹3,000 ధర గల ఫాస్ట్‌ట్యాగ్ ఆధారిత వార్షిక పాస్‌ను 2025 ఆగస్టు 15 నుంచి ప్రవేశపెడుతున్నారు. ఈ పాస్ యాక్టివేషన్ తేదీ నుంచి ఒక సంవత్సరం లేదా 200 ప్రయాణాల వరకు చెల్లుబాటవుతుంది. ఏది ముందు అయితే అది. ఈ పాస్ ప్రత్యేకంగా వాణిజ్యేతర ప్రైవేట్ వాహనాల (కార్లు, జీపులు, వ్యాన్లు మొదలైనవి) కోసం మాత్రమే రూపొందించారు. ఈ పాస్‌ దేశవ్యాప్తంగా జాతీయ రహదారులపై సజావుగా ప్రయాణించడానికి వీలు కల్పిస్తుంది.

Fastag Annual Pass ఎలా పొందాలి?

వార్షిక పాస్ యాక్టివేషన్/పునరుద్ధరణ కోసం ప్రత్యేక లింక్ త్వరలో హైవే ట్రావెల్ యాప్, NHAI/MoRTH వెబ్‌సైట్‌లలో అందుబాటులోకి వొస్తుంది, ఈ విధానం 60 కి.మీ వ్యాసార్థంలో ఉన్న టోల్ ప్లాజాలపై ఇక‌పై టెన్ష‌న్ అవ‌స‌రం లేదు. ఒకే లావాదేవీ ద్వారా టోల్ చెల్లింపులను సుల‌భ‌త‌రం చేస్తుంది.

వార్షిక పాస్ విధానం లక్షలాది మంది ప్రైవేట్ వాహన డ్రైవర్లకు వేచి ఉండే సమయాన్ని తగ్గించడం, ర‌హ‌దారుల‌పై రద్దీని తగ్గించడం, టోల్ ప్లాజాల వద్ద వివాదాలను తొలగించడం ద్వారా వేగవంతమైన, సున్నితమైన మెరుగైన ప్రయాణ అనుభవాన్ని అందించనుంది.

ఈ పాస్ ఏమిటి?

• ఖర్చు: సంవత్సరానికి ₹3,000
• చెల్లుబాటు: పాస్ యాక్టివేషన్ తేదీ నుండి 1 సంవత్సరం లేదా 200 ట్రిప్పుల వరకు – ఏది ముందు అయితే అది.
• ప్రైవేట్ ఉపయోగం వాణిజ్యేతర వాహనాలకు మాత్రమే చెల్లుతుంది.

ప్రయోజనాలు ఏమిటి?

• ఒకసారి చెల్లించడం ద్వారా, సంవత్సరం మొత్తం టోల్ టెన్షన్ తొలగిపోతుంది.
• పదే పదే టోల్ ఫీజు చెల్లించాల్సిన అవసరం లేదు.
• 60 కిలోమీటర్ల లోపు టోల్ ప్లాజాల వద్ద సమస్యలు తొలగిపోయాయి.
• పొడవైన లైన్ల నుంచి సమయం ఆదా, ప్రయాణ సౌలభ్యం.

• Fastag Annual Pass ఎక్కడి నుండి పొందవచ్చు?
• ఈ పాస్‌ను రాజ్‌మార్గ్ యాత్ర యాప్, NHAI మరియు MoRTH అధికారిక వెబ్‌సైట్‌ల నుండి యాక్టివేట్ చేసుకోవచ్చు, అలాగే రెన్యూవల్ చేసుకోవచ్చు.
• లింక్ త్వరలో విడుదల చేయబడుతుంది.
• లక్షలాది మంది ప్రైవేట్ డ్రైవర్లకు ఉపశమనం కలిగించడానికి ఈ పథకం తీసుకువచ్చారు. జాతీయ రహదారులపై ప్రయాణాన్ని చౌకగా, వేగంగా ఇబ్బంది లేకుండా చేయడానికి కేంద్రం తీసుకున్న కీలకమైన నిర్ణయం ఇది. ఇప్పుడు టోల్ ప్లాజాల వద్ద ఆగాల్సిన అవసరం లేదు. ఏడాది పొడవునా కేవలం రూ. 3,000 తో ప్రయాణించండి.

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం  సర్కార్ లైవ్ వెబ్ సైట్ ను సందర్శించండి.  అలాగే మా  ఫేస్ బుక్,వాట్సప్ చానల్, ఎక్స్(ట్విట్టర్)  ను  ఫాలో అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.