Gold Price Record Levels : వారం రోజులుగా క్రమంగా తగ్గుతూ వచ్చిన బంగారం ధరలు ఈ రోజు (ఏప్రిల్ 10) ఒక్కసారిగా భారీగా పెరిగాయి. ఇది బంగారం కొనుగోలు చేసే మధ్య తరగతి ప్రజలకు పెద్ద షాక్‌గా మారింది. ఉదయం 6 గంటల సమయంలో స్వల్పంగా పెరిగిన బంగారం ధరలు.. నాలుగు గంటల లోపే ఎగబాకి రికార్డు స్థాయి (Gold Rate Today)కి చేరుకున్నాయి. తులం బంగారం ధర ఏకంగా ₹2,940 పెరిగింది. ఇది గతంలో ఎన్నడూ చూడని స్థాయిలో పెరగడం ఆశ్చర్యానికి గురి చేసింది. బంగారం ధర పెరగడంతో పాటు వెండి ధర (Silver Price Increase) కూడా అదే స్థాయిలో ఎగబాకింది. కిలో వెండి ధర ₹2,000 పెరిగి ₹95,000కి చేరుకుంది.

Gold Price Record Levels : నగరాల వారీగా ఇలా..

• హైదరాబాద్: 22 క్యారెట్ల 10 గ్రాములు – రూ. 85,600, 24 క్యారెట్ల 10 గ్రాములు – రూ. 93,380
• బెంగళూరు: 22 క్యారెట్ల – రూ. 85,600, 24 క్యారెట్ల – రూ. 93,380
• ఢిల్లీ: 22 క్యారెట్ల – రూ. 85,750, 24 క్యారెట్ల – రూ. 93,530

బంగారం ధరలు పెరగడానికి ప్రధాన కారణాలు ఏమిటి?

విశ్లేషకుల అభిప్రాయం ప్రకారం… బంగారం ధరలు పెరగడానికి పలు అంతర్జాతీయ, జాతీయ కారణాలు ( Gold Price Increase Reasons) ఉన్నాయి.

1. అమెరికాలో రాజకీయ అనిశ్చితి : ఈ ఏడాది అమెరికాలో అధ్యక్ష ఎన్నికలు జ‌రిగాయి. ఈ నేపథ్యంలో పెట్టుబడిదారులు భద్రమైన పెట్టుబడుల వైపు దృష్టి పెట్టారు. అందుకే బంగారంపై డిమాండ్ పెరిగింది.
2. యూరప్-రష్యా యుద్ధ వాతావరణం : యూరప్ దేశాలలో రాజకీయ అశాంతి, రష్యా-ఉక్రెయిన్ యుద్ధం వల్ల ప్రపంచ ఆర్థిక వ్యవస్థపై ప్రభావం పడింది.
3. చైనా – తైవాన్ మధ్య ఉద్రిక్తతలు : ఆసియాలో చైనా-తైవాన్ మధ్య పరిస్థితులు తిరోగమన దిశగా ఉండటంతో భవిష్యత్తుపై పెట్టుబడిదారులకు అనిశ్చితి పెరిగింది.
4. ఫెడరల్ రిజర్వ్ వడ్డీ రేట్ల పెంపు అంచనాలు : అమెరికా ఫెడరల్ రిజర్వ్ వడ్డీ రేట్లు పెంచే అవకాశం ఉంది. ఇది పెట్టుబడిదారుల్లో ఆందోళన కలిగించింది. స్టాక్ మార్కెట్లపై దుష్ప్రభావం పడడంతో బంగారం మళ్లీ అత్యవసర పెట్టుబడి సాధనంగా నిలిచింది.
5. సెంట్రల్ బ్యాంకుల గోల్డ్ నిల్వలు : గోల్డ్‌మన్ శాక్స్ నివేదిక ప్రకారం.. అభివృద్ధి చెందుతున్న దేశాల సెంట్రల్ బ్యాంకులు బంగారం నిల్వలు భారీగా పెంచుతున్నాయి. ఇది కూడా గోల్డ్ ధరలను మదింపు చేసింది.

Gold Price : శుభకార్యాల ప్రభావం

భారతదేశంలో పెళ్లిళ్ల సీజన్ (Wedding Season), పండుగల సమయం రాబోతున్నందున బంగారానికి డిమాండ్ బాగా పెరుగుతుంది. ఇది లోకల్ మార్కెట్‌లో ధరల పెరుగుదలకు ముఖ్య కారణంగా నిలుస్తోంది. ఇంకా రూపాయి విలువ పతనం కావడం కూడా బంగారం దిగుమతుల ఖర్చును పెంచింది. ఎందుకంటే బంగారం అమెరికన్ డాలర్లలో దిగుమతి చేస్తారు. డాలర్ బలపడితే రూపాయి బలహీనపడితే దాని ప్రభావం నేరుగా ధరలపై పడుతుంది.

కొనుగోలుదారులలో అయోమయం

బంగారం ధరలు భారీగా పెరగడంతో చాలామంది వినియోగదారులు ఇప్పుడు కొనాలా వ‌ద్దా? ధరలు ఇంకా పెరగతాయా? అనే సందిగ్ధంలో ఉన్నారు. పెళ్లిళ్ల కోసం ముందే బుక్ చేసుకున్న వారు తమ నిర్ణయం బాగుందనుకుంటున్నారు. ఇప్పుడు కొత్తగా కొనాలనుకునే వారికి మాత్రం ఈ ధరలు భారంగా అనిపిస్తున్నాయి.

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం  సర్కార్ లైవ్ వెబ్ సైట్ ను సందర్శించండి.  అలాగే మా  ఫేస్ బుక్,వాట్సప్ చానల్, ఎక్స్(ట్విట్టర్)  ను  ఫాలో అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.