Case Filed Against KTR : తెలంగాణ రాజకీయాల్లో కీలక పరిణామం చోటు చేసుకుంది. బీఆర్‌ఎస్ (Telangana Rashtra Samithi (BRS) వర్కింగ్ ప్రెసిడెంట్, మాజీ మంత్రి కేటీఆర్ ( KT Rama Rao (KTR)పై ఫేక్ న్యూస్ ప్ర‌సారం (spreading fake news) ఆరోపణలతో నల్లగొండ జిల్లా పోలీసులు కేసు నమోదు చేశారు. నకిరేకల్ మునిసిప‌ల్ చైర్‌ప‌ర్స‌న్ చౌగోని రజిత (Nakrekal Municipal Chairperson Chougoni Rajitha) ఇచ్చిన ఫిర్యాదుతో ఈ చర్య తీసుకున్నారు.

ఫేక్ న్యూస్ ఆరోపణలపై వివాదం

తనపై తప్పుడు స‌మాచారంతో దుష్ప్ర‌చారం ( spreading fake news) చేశార‌ని ఆరోపిస్తూ నల్లగొండ జిల్లాలోని నాకిరేకల్ మున్సిపల్ చైర్‌ప‌ర్స‌న్‌గా బాధ్యతలు నిర్వ‌ర్తిస్తున్న‌ చౌగోని రజిత (Chougoni Rajitha) పోలీసు అధికారులను ఆశ్రయించారు. ముఖ్యంగా స్టాఫ్ సెలక్షన్ కమిషన్ (SSC) తెలుగు ప్రశ్నపత్ర లీకేజీ కేసులో తనను అనవసరంగా లాగుతున్నారని ఆమె పేర్కొన్నారు. ఈ ఫిర్యాదులో రజిత తనపై అసత్య ఆరోపణలు చేసిన వారిలో బీఆర్‌ఎస్ వర్కింగ్ ప్రెసిడెంట్ కేటీఆర్ (Telangana Rashtra Samithi working president KT Rama Rao) తో పాటు పార్టీ నేతలు మన్నెం కృష్ణ, కోనతం దిలీప్ కుమార్ ఉన్నారని తెలిపారు. వీరు సోషల్ మీడియా ప్లాట్‌ఫామ్ X (మాజీ ట్విట్టర్) ద్వారా నిరాధార ఆరోపణలు చేస్తూ తప్పుడు సమాచారం వ్యాప్తి చేశారని ఫిర్యాదులో పేర్కొన్నారు.

నా ప్రతిష్టకు భంగం క‌లించారు : ర‌జిత‌

రజిత తెలిపిన వివరాల ప్రకారం, ప్రశ్నపత్ర లీకేజీ కేసులో అరెస్టైన చిట్లా ఆకాష్ అనే వ్యక్తి తన డ్రైవర్‌గా పనిచేశాడనే తప్పుడు వార్తలు కొన్ని మీడియా సంస్థలు ప్రసారం చేశాయి. అయితే, ఆకాష్ తనకు ఎలాంటి సంబంధం లేదని, అసలు డ్రైవర్‌గా కూడా పని చేయలేదని ఆమె స్పష్టంగా చెప్పారు. ఈ తప్పుడు ప్రచారం వల్ల తన రాజకీయ ప్రతిష్ట దెబ్బతిందని, ఇది త‌న భవిష్యత్తు రాజకీయ కెరీర్‌కు నష్టం కలిగేలా ఉందని ఆమె ఆవేద‌న వ్య‌క్తం చేశారు.

Case Filed Against KTR : ఏయే సెక్ష‌న్లు అంటే..

రజిత ఫిర్యాదు మేరకు నల్లగొండ పోలీసులు (Nalgonda Police) బీఆర్‌ఎస్ నేతలపై భారతీయ న్యాయ సంహిత (BNS) సెక్షన్ 353(1), 353(2) కింద కేసు నమోదు చేశారు. ఈ కేసులో నల్లగొండ పోలీసులు ఇప్పటికే దర్యాప్తు ప్రారంభించారు. నల్లగొండ సబ్ఇన్‌స్పెక్ట‌ర్ బి. లచ్చిరెడ్డి ఈ కేసును పర్యవేక్షిస్తున్నారు. ప్రస్తుతం నల్లగొండ పోలీసులు సోషల్ మీడియాలో వైరల్ అయిన తప్పుడు సమాచారం ఎలా వ్యాపించిందో గుర్తించేందుకు సాంకేతిక విశ్లేషణ చేస్తున్నారు. ముఖ్యంగా ఈ ఫేక్ న్యూస్ ప్రచారం ఎలా మొదలైందో, దాని వెనుక అసలు కుట్ర ఏమిటో పోలీసులు ఆరా తీస్తున్నారు.

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం  సర్కార్ లైవ్ వెబ్ సైట్ ను సందర్శించండి.  అలాగే మా  ఫేస్ బుక్,వాట్సప్ చానల్, ఎక్స్(ట్విట్టర్)  ను  ఫాలో అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..