BSNL New Year Recharge Plan : ప్రభుత్వ యాజమాన్యంలోని టెలికాం ఆపరేటర్ BSNL తన వినియోగదారులకు అత్యంత సరసమైన డేటా ప్లాన్‌ను అందుబాటులోకి తీసుకొచ్చింది . కొత్త సంవత్సరానికి ముందు BSNL రూ. 277 ధరతో రీఛార్జ్ ప్లాన్‌ను ప్రారంభించింది. వినియోగదారులకు 60 రోజుల వ్యాలిడిటీలో 120GB డేటాను అందిస్తోంది. ఈ ప్లాన్ టెలికాం మార్కెట్‌లో ఇది గేమ్ చేంజ‌ర్ గా మార‌వ‌చ్చు. మరోవైపు ముఖేష్ అంబానీ జియో, సునీల్ మిట్టల్ ఎయిర్‌టెల్ వంటి ప్రైవేట్ ప్లేయర్‌లకు గ‌ట్టి స‌వాల్‌గా మారుతుందని టెలికాం విశ్లేష‌కులు భావిస్తున్నారు.
BSNL న్యూ ఇయర్ రీఛార్జ్ ప్లాన్
BSNL New Year Recharge Plan : బిఎస్ఎన్ఎల్ రూ. 277 రీఛార్జ్ ప్లాన్ లో 60 రోజుల వాలిడిటీ వ‌స్తుంది. మొత్తం 120GB డేటాను ను ఆస్వాదించ‌వ‌చ్చు. ఇది రోజుకు 2GB డేటా వినియోగించుకోవ‌చ్చు. ఇది భారీగా డేటా వినియోగించేవారికి తక్కువ బడ్జెట్ లో అనుకూలమైన రీచార్జ్‌గా చెప్ప‌వ‌చ్చు. Jio, Airtel, Vodafone Idea వంటి ప్రైవేట్ ఆపరేటర్‌ల ఆఫర్‌లతో పోలిస్తే ఈ బిఎస్ఎన్ఎల్ ప్లాన్ చాలా తక్కువ ధరలో వ‌స్తుంది. ఇదిలా ఉండ‌గా నివేదికల ప్రకారం నవంబర్ నుంచి BSNL వినియోగదారుల సంఖ్య క్రమంగా పెరుగుతోంది. కంపెనీ ఇలాంటి ఆకర్షణీయమైన ఆఫర్లను కొనసాగిస్తే, దాని కస్టమర్ బేస్ మరింత పెరగవచ్చు.
ప‌రిమిత కాల ఆఫ‌ర్‌
BSNL తన సోషల్ మీడియా ప్లాట్‌ఫారమ్ X లో రూ.277 రీచార్జి ప్లాన్ జనవరి 16, 2025 వరకు అందుబాటులో ఉంటుందని ప్రకటించింది. ఈ తేదీకి ముందు రీఛార్జ్ చేసుకునే వినియోగదారులు మాత్రమే ప్రయోజనాలను పొందగలరు. ఒకసారి యాక్టివేట్ అయిన తర్వాత, ప్లాన్ 60 రోజుల పాటు చెల్లుబాటు అవుతుంది.
5G దిశగా వేగంగా అడుగులు
BSNL తన నెట్‌వర్క్ మౌలిక సదుపాయాలను, ముఖ్యంగా 4G, 5G విభాగాలలో అప్‌గ్రేడ్ చేయడంలో వేగంగా అడుగులు వేస్తోంది. కంపెనీ ఇప్పటికే భారతదేశం అంతటా 60,000 4G టవర్‌లను ఇన్‌స్టాల్ చేసింది. eSIM సేవలను అందుబాటులోకి తీసుకురావడానికి ప్రణాళికలను సిద్ధం చేస్తోంది.ఈ చర్య ముఖ్యంగా Apple వినియోగదారులకు, eSIM సాంకేతికతను ఇష్టపడేవారికి ప్రయోజనం చేకూరుస్తుంది.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
