Jammu Kashmir News కాశ్మీర్‌లోని పూంచ్ జిల్లాలో ఉగ్రవాదులు పన్నిన అతిపెద్ద కుట్రను పోలీసులు భగ్నం చేశారు. జమ్మూకశ్మీర్ లో చేపట్టిన సెర్చ్ ఆపరేషన్‌లో 5 ఐఇడిలను పోలీసులు స్వాధీనం చేసుకున్నాయి. దీని గురించి పూంచ్ పోలీసులు మాట్లాడుతూ, ఉగ్రవాదులు ఏదో పెద్ద కుట్ర చేయాలని ప్లాన్ చేస్తున్నారని, ఈ కుట్రను భగ్నం చేశామని తెలిపారు.
కాశ్మీర్(Jammu Kashmir )లోని పహల్గామ్(Pahelgam)లో జరిగిన ఉగ్రవాద దాడి తర్వాత, జమ్మూ కాశ్మీర్‌లో సైన్యం నిరంతరం ముమ్మరంగా తనిఖీలు నిర్వహిస్తూ అనువనువు శోధిస్తోంది. ఈ కవాతు సమయంలో, పూంచ్ జిల్లాలోని సురాన్‌కోట్ ప్రాంతంలో సైన్యం ఒక ఉగ్రవాద స్థావరాన్ని గుర్తించింది. అక్కడ నుండి ఈ ఐఇడిలను స్వాధీనం చేసుకున్నారు.
Jammu Kashmir News ‘ఇది ఉగ్రవాదులకు దాక్కునే ప్రదేశం’
ఇక్కడి నుండి 5 ఐఇడి వైర్‌లెస్ సెట్‌లు, కొన్ని బట్టలు కూడా స్వాధీనం చేసుకున్నారు. ఇది ఉగ్రవాదులకు దాక్కునే ప్రదేశమని భద్రతా దళాలు చెబుతున్నాయి. ఈ క్రమంలో జమ్మూలోని శ్రీనగర్ సెంట్రల్ జైలు, కోట్ బల్వాల్ జైలు వద్ద భద్రతను కట్టుదిట్టం చేశారు. ఈ సంఘటన తర్వాత, కొంతమంది ఉగ్రవాదులు ఉన్న జమ్మూలోని శ్రీనగర్ సెంట్రల్ జైలు, కోట్ బల్వాల్ జైలు వద్ద భద్రతను కట్టుదిట్టం చేశారు, నిఘా వర్గాల హెచ్చరిక మేరకు ఈ చర్య తీసుకున్నారు.
అదే సమయంలో, పహల్గామ్ ఉగ్రవాద (pahalgam attack) దాడి చేసిన ముష్కరులకు సంబంధించి మరో పెద్ద విషయం బయటపడింది. జమ్మూ కాశ్మీర్ జైళ్లలో ఉన్న లష్కరే తోయిబా ఉగ్రవాదుల వెల్లడించిన వివరాల ప్రకారం, ఈ ఉగ్రవాదులు సైనిక శిక్షణ పొందారని, ప్రస్తుతం కాశ్మీర్‌లో ఇలాంటి ఉగ్రవాదులు చాలా మంది ఉన్నారని తెలుస్తోంది. మూలాల నుంచి అందిన సమాచారం ప్రకారం, పహల్గామ్ ఉగ్రవాద దాడిలో పాల్గొన్న ఉగ్రవాదులు సాధారణ ఉగ్రవాదులు కాదు.. కానీ వారు పాకిస్తాన్ కమాండోల నుంచి శిక్షణ పొందారు. లోయలో ఇప్పటికీ 15-20 మంది ఉగ్రవాదులు ఉన్నట్లు సమాచారం.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
