BRS Silver Jubilee బీఆర్ఎస్ (Bharat Rashtra Samithi-BRS) ఏర్పాటై 25 ఏళ్లు పూర్తవుతున్న సందర్భంగా సిల్వ‌ర్ జూబ్లీ వేడుక (Silver Jubilee Celebrations) జ‌ర‌గ‌నుంది. రేపు (ఏప్రిల్ 27న ) వరంగల్ జిల్లాలోని ఎల్కతుర్తి (Elkathurthi)లో భారీ బహిరంగ సభను నిర్వ‌హించ‌బోతున్నారు. దీని కోసం ఏర్పాట్ల‌న్నీ పూర్త‌వుతున్నాయి.
BRS Silver Jubilee : జోరుగా ప్రచారం
ఈ రజతోత్సవ సభ కోసం బీఆర్ఎస్ కార్యకర్తలందరూ చాలా ఉత్సాహంగా ఉన్నారు. పార్టీ జెండాలు, తోరణాలు కడుతున్నారు. గోడల మీద రాతలు రాస్తున్నారు. పోస్టర్లు అంటిస్తున్నారు. ఇది కేవలం ఒక సభ కాదని, ఒక ఉద్యమంలా మారుతోందని ఆ పార్టీ నాయకులు చెబుతున్నారు. దేశంలో ఏ రాజకీయ పార్టీ కూడా ఇంత పెద్ద సభ (the largest public meeting in India)ను పెట్టలేదని అంటున్నారు. ఎల్కతుర్తిలో దాదాపు 1300 ఎకరాల్లో ఈ బహిరంగ సభను నిర్వహిస్తున్నారు. అందులో 200 ఎకరాలను సభా వేదిక కోసం ప్రత్యేకంగా కేటాయించారు. ఇంతకుముందు 2010లో వరంగల్‌లో కేసీఆర్ సభ ఎంత పెద్దగా జరిగిందో, ఈసారి కూడా అంతే పెద్దగా జరిగే అవకాశం ఉంది.
400 మంది కూర్చునే పెద్ద వేదిక
ఈ రజతోత్సవ సభలో దాదాపు 400 మంది కూర్చోవడానికి ఒక పెద్ద వేదికను తయారు చేస్తున్నారు. దాని మీద ముఖ్య నాయకులకు, ఎంపీలకు, ఎమ్మెల్సీలకు, ఇంకా ఇత‌ర ప్ర‌ముఖుల‌కు చోటు క‌ల్పించ‌నున్నారు. వేదిక చుట్టూ ప్రజలందరూ స్పష్టంగా చూడటానికి ఎల్ఈడీ స్క్రీన్లు పెడుతున్నారు.
BRS Silver Jubilee :భారీగా జ‌న స‌మీక‌ర‌ణ
ఈ రజతోత్సవానికి (BRS Silver Jubilee) భారీ సంఖ్య‌లో జనం రానున్నార‌ని బీఆర్ఎస్ నేత‌లు అంటున్నారు. దానికోసం 10 వేలకు పైగా బస్సులు ఏర్పాటు చేశారు. ఆర్టీసీకి చెందిన 3 వేల బస్సులను అద్దెకు తీసుకున్నారు. దాని కోసం పార్టీ రూ. 8 కోట్లు చెల్లించింది. అలాగే ప్రైవేట్ బస్సులు మరో 3 వేలు, స్కూళ్లు, కాలేజీల నుంచి 4 వేల బస్సులు తెప్పిస్తున్నారు. ఇవి మాత్రమే కాకుండా జీపులు, ట్రాక్టర్లు, కార్లు, డీసీఎం లాంటి వాహనాల్లో కూడా భారీ సంఖ్య‌లో వస్తున్నారని బీఆర్ఎస్ నాయకులు అంటున్నారు. బస్సుల్లో వచ్చే వాళ్ల కంటే వీళ్లే మూడు రెట్లు ఎక్కువ ఉంటారని అంచనా వేస్తున్నారు.
సభలో అన్ని ర‌కాల సౌకర్యాలు
సభకు వచ్చే వాళ్ల కోసం అన్ని మంచి ఏర్పాట్లు చేస్తున్నారు. 10 లక్షల మజ్జిగ ప్యాకెట్లు (buttermilk packets), 10 లక్షల మంచి నీళ్ల (Drinking water) బాటిళ్లు సిద్ధంగా ఉంచారు. ఎండలు ఎక్కువగా ఉన్నాయి కాబట్టి ఇంకా ఎక్కువ మజ్జిగ, నీళ్లు ఏర్పాటు చేస్తున్నారు. మైకులు, జనరేటర్లు, మంచి సౌండ్ సిస్టమ్ లాంటి టెక్నికల్ ఏర్పాట్లతో పాటు అంబులెన్స్‌లు, డాక్ట‌ర్ల‌ను కూడా రెడీగా ఉంచుతున్నారు.
ట్రాఫిక్ సమస్య లేకుండా ప్లాన్
ఎల్కతుర్తిలో సభా స్థలం మెయిన్ రోడ్డులో ఉండటం వల్ల ట్రాఫిక్ జామ్ అయ్యే అవకాశం ఉంది. అందుకే వేర్వేరు దారుల నుంచి వచ్చే వాహనాల కోసం ప్రత్యేక పార్కింగ్ స్థలాలు ఏర్పాటు చేశారు. వరంగల్, కరీంనగర్, సిద్దిపేట వైపుల నుంచి వచ్చే వాహనాల కోసం వేర్వేరుగా పార్కింగ్ ఏర్పాటు చేసి ట్రాఫిక్ సమస్య రాకుండా చూసుకుంటున్నారు. వేదిక దగ్గరికి ఐదు నిమిషాల్లో చేరుకునేలా అంత‌ర్గ‌త రోడ్లు కూడా వేశారు.
నిఘా సంస్థల అలర్ట్
ఈ సభ మీద ప్రభుత్వ నిఘా సంస్థలు ప్రత్యేకంగా చూస్తున్నాయి. ఏ జిల్లా నుంచి ఎంత మంది వస్తున్నారు? ఎన్ని వాహనాలు సిద్ధంగా ఉన్నాయి? అనే విషయాల మీద గ్రామాల స్థాయిలో రిపోర్టులు తెప్పిస్తున్నారు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
