Commercial Cylinder Price Reduce : వంట గ్యాస్ వినియోగదారులకు ఊరట లభించింది. వాణిజ్య అవసరాల కోసం వినియోగించే 19 కేజీల సిలిండర్ ధరలు కేంద్రం తగ్గించింది. ఒక్కో సిలిండర్‌పై రూ. 33.50 పైసల రూపాయల మేర తగ్గించింది. ఈ ధరలు శుక్రవారం తెల్లవారు జాము నుంచే అమలులోకి వచ్చాయి. ఈ మేరకు కేంద్ర ప్రభుత్వ ఆధీనంలో పని చేసే చమురు కంపెనీలు ఒక ప్రకటన విడుదల చేశాయి. కాగా కమర్షియల్ గ్యాస్ సిలిండర్ ధరలను తగ్గించడం ఈ ఏడాదిలో ఇది ఆరోసారి. జనవరిలో రూ. 14.50 పైసలు, ఫిబ్రవరిలో ఏడు రూపాయలు, ఏప్రిల్ లో 41 రూపాయల మేర వాణిజ్య అవసరాలకు వినియోగించే వంటగ్యాస్ సిలిండర్ల రేట్లు తగ్గాయి. మరోవైపు, దేశ రాజధాని దిల్లీలో ఆగస్టు 1 నుండి, 19 కిలోల వాణిజ్య LPG సిలిండర్ ఇక్కడ రూ.1631.50 కు లభిస్తుంది.
వివిధ నగరాల్లో ధరల తగ్గింపు ఇలా
- ఢిల్లీ: ₹1,665 → ₹1,631.50
- ముంబై: ₹1,616.50 → ₹1,583
- కోల్‌కతా: ₹1,769 → ₹1,735.50
- చెన్నై: ₹1,822.50 → ₹1,790
గృహ వినియోగ సిలిండర్ ధర కూడా తగ్గిందా?
గ్యాస్ సిలిండర్ల ధరలో భారీ తగ్గుదల గురించి విన్న వెంటనే, అందరి మదిలో వచ్చే మొదటి ప్రశ్న గృహ వినియోగ గ్యాస్ సిలిండర్ల ధర తగ్గిందా? అని, అయితే దానికి సమాధానం – లేదు. చమురు మార్కెటింగ్ కంపెనీలు వాణిజ్య ఉపయోగం కోసం సిలిండర్ల ధరను మాత్రమే తగ్గించాయి. వార్తా సంస్థ ANI ప్రకారం, 14.2 కిలోల గృహ వినియోగ సిలిండర్ల ధరలో ఎటువంటి మార్పు లేదు.
జూలై 1న వాణిజ్య ఎల్‌పిజి సిలిండర్ ధరను రూ.58.50 తగ్గించారు, ఆ తర్వాత సిలిండర్ రూ.1665కి అందుబాటులోకి వచ్చింది. అంతకు ముందు జూన్‌లో రూ.24 తగ్గుదల మరియు ఏప్రిల్‌లో రూ.41 తగ్గుదల కనిపించింది.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
