Tatkal passport : హైదరాబాద్ (Hyderabad)లో తత్కాల్ పాస్పోర్ట్ అపాయింట్మెంట్ స్లాట్ల (appointment slots) కోసం పోటీ తీవ్రంగా పెరిగిపోయింది. పాస్పోర్ట్ సేవా కేంద్రాల్లో (Passport Seva Kendras (PSKs) అపాయింట్మెంట్ బుకింగ్ విండో తెరుచుకున్న కొన్ని సెకన్లలోనే సాట్లన్నీ నిండిపోతున్నాయి. దీనివల్ల అనేక మంది దరఖాస్తుదారులు చాలా ఇబ్బందులు ఎదుర్కొంటున్నారు.
Tatkal passport : అపాయింట్మెంట్ కష్టమే..
ప్రస్తుతానికి పాస్పోర్ట్ సేవా అధికారిక వెబ్సైట్ ప్రకారం అన్ని అపాయింట్మెంట్లు మార్చి 20 వరకు బుక్ అయిపోయాయి. తత్కాల్ పాస్పోర్ట్ అపాయింట్మెంట్ స్లాట్ పొందాలంటే కనీసం ఒక వారం వరకు వేచి ఉండాల్సి వస్తోంది. అయినా అప్పటికీ స్లాట్లు దొరికే పరిస్థితి కనిపించడం లేదు. ప్రతి రోజూ రాత్రి 8 గంటలకు బుకింగ్ విండో ఓపెన్ కాగానే కొన్ని క్షణాల్లోనే అన్ని అపాయింట్మెంట్లు నిండిపోతున్నాయి.
సాధారణ పాస్పోర్ట్కు కూడా అదే సమస్య
తత్కాల్ పాస్పోర్ట్కు మాత్రమే కాదు, సాధారణ పాస్పోర్ట్ (normal passports) అపాయింట్మెంట్లకు కూడా భారీ డిమాండ్ ఉంది. సాధారణ పాస్పోర్ట్ అపాయింట్మెంట్ కోసం దరఖాస్తు చేసుకునే వారు ఏప్రిల్ 3 వరకు వేచి ఉండాల్సిన అవసరం ఉంది. అంటే వారికి కనీసం 20 రోజుల వరకు ఎదురుచూడాల్సిన పరిస్థితి ఏర్పడింది.
దరఖాస్తుదారులకు తప్పని ఇబ్బందులు
ఈ సమస్య వలన అనేక మంది తమ అత్యవసర ప్రయాణాలను మార్చుకోవాల్సి వస్తోంది. ముఖ్యంగా విదేశాలకు ఉద్యోగ, విద్య, వైద్యం, కుటుంబ అవసరాల కోసం వెళ్లే వారికి ఇది పెద్ద సమస్యగా మారింది. చాలా మంది వీసా ఇంటర్వ్యూలు, చదువుల కోసం అనుమతులు, అత్యవసర వైద్య ప్రయాణాల కోసం తత్కాల్ పాస్పోర్ట్ అవసరమవుతుంది. అపాయింట్మెంట్ స్లాట్లు దొరకకపోవడం వల్ల వారు తీవ్ర ఇబ్బందులను ఎదుర్కొంటున్నారు.
Tatkal passport : బుకింగ్ సమస్యల వెనుక కారణాలు
తత్కాల్ పాస్పోర్ట్ సేవ అత్యవసర ప్రయాణం కోసం అందుబాటులో ఉంటుంది. అందువల్ల చాలా మంది దీనిని పొందడానికి ప్రయత్నిస్తున్నారు. దీంతో అందుబాటులో ఉన్న స్లాట్లు చాలామందికి సరిపోవడం లేదు. కొన్ని సందర్భాల్లో ఏజెంట్లు పెద్ద మొత్తంలో స్లాట్లను బుక్ చేసుకుని, వాటిని అధిక ధరకు విక్రయిస్తున్నారనే ఆరోపణలు ఉన్నాయి. అలాగే రోజూ రాత్రి 8 గంటలకు వెబ్సైట్ ఓపెన్ అవగానే అనేక మంది ఒకేసారి లాగిన్ కావడం వల్ల వెబ్సైట్ స్లో అవుతోంది లేదా హ్యాంగ్ అవుతోంది. కొందరు ఆటోమేటెడ్ బోట్లు (bots) ఉపయోగించి సెకన్లలోనే అన్ని స్లాట్లను బుక్ చేస్తున్నట్లు అనుమానాలు ఉన్నాయి.
అలర్ట్ అయిన అధికారులు
ఈ సమస్యలను పరిష్కరించడంపై పాస్పోర్ట్ కార్యాలయ అధికారులు దృష్టి సారించినట్టు సమాచారం. అయితే, ఇప్పటివరకు దీనికి సరైన పరిష్కారం దొరకలేదు. ఈ నేపథ్యంలోనే అధికారులు అపాయింట్మెంట్లను పెంచే అవకాశాలను పరిశీలిస్తున్నారు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
