International Kite Festival Hyderabad 2026 | హైదరాబాద్ : తెలంగాణ రాష్ట్రం కేవలం వినోదానికే కాదు, ఆర్థిక, సాంస్కృతిక ప్రగతికి పర్యాటకాన్ని ఒక ప్రధాన చుక్కానిగా మార్చుకుంటోంది. 2026 సంక్రాంతి ప‌ర్వ‌దినాన్ని పురస్కరించుకుని సీఎం రేవంత్ రెడ్డి నేతృత్వంలోని ప్రభుత్వం అంతర్జాతీయ కైట్ & స్వీట్ ఫెస్టివల్, హాట్ ఎయిర్ బెలూన్ షో, డ్రోన్ షోలను అత్యంత ఘ‌నంగా నిర్వహించడానికి సిద్ధ‌మైంది.

ప్రధాన ఆకర్షణలు ఇవే..

గగనతల విన్యాసాలు: 19 దేశాల నుండి 40 మంది అంతర్జాతీయ, 15 రాష్ట్రాల నుండి 55 మంది జాతీయ పతంగుల నిపుణులు పాల్గొంటున్నారు. రాత్రి వేళ ఆకాశంలో వెలుగులు చిమ్మే “నైట్ ఫ్లయింగ్” ప్రత్యేక ఆకర్షణగా నిలవనుంది. హైదరాబాద్‌లో స్థిరపడిన వివిధ దేశాలు, రాష్ట్రాల వారు తమ ఇళ్లలో తయారు చేసిన 1,200 రకాల మిఠాయిలను ఇక్కడ రుచి చూడవచ్చు.

అధునాతన డ్రోన్ షో:

గచ్చిబౌలి స్టేడియంలో జరిగే ఈ షోలో డ్రోన్లతో సాకర్ ఆట, తెలంగాణ పర్యాటక ప్రాంతాల త్రీడీ ప్రదర్శన ఉండబోతోంది. వేదిక వద్ద 100 చేనేత స్టాల్స్ మరియు 60 ఫుడ్ కోర్టుల ద్వారా స్థానిక హస్తకళలకు, వంటకాలకు ప్రాధాన్యత ఇస్తున్నారు.

ప‌ర్యాట‌క రంగం కొత్త పుంత‌లు

రాష్ట్ర ప్రభుత్వం పర్యాటక రంగాన్ని కేవలం పండుగలకు పరిమితం చేయకుండా ఒక దీర్ఘకాలిక వ్యూహంతో ముందుకు వెళ్తోంది. టూరిజం కాంక్లేవ్ ద్వారా ₹22,324 కోట్ల పెట్టుబడి ఒప్పందాలు జరిగాయి, తద్వారా 90,000 ఉద్యోగాల కల్పనే లక్ష్యం. హైదరాబాద్ – సోమశిల – శ్రీశైలం సర్క్యూట్‌లో హెలికాప్టర్ సేవలు ప్రారంభం కానున్నాయి. నాగార్జున సాగర్, సోమశిల ప్రాంతాలను అంతర్జాతీయ వెడ్డింగ్ హబ్‌లుగా తీర్చిదిద్దుతున్నారు. గ్లోబల్ మెడికల్ టూరిజం హబ్‌గా హైదరాబాద్‌ను మార్చేందుకు ప్రత్యేక సొసైటీ ఏర్పాటు చేశారు. పర్యాటకుల భద్రత కోసం ప్రత్యేకంగా “టూరిస్ట్ పోలీస్” వ్యవస్థను అందుబాటులోకి తెస్తున్నారు.

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి.  అలాగే మా   వాట్సప్ చానల్, ఎక్స్(ట్విట్టర్)  ను  ఫాలో అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.