SCR Special Train | ప్రయాణికులకు దక్షిణ మధ్య (SCR) రైల్వే గుడ్ న్యూస్ చెప్పింది. కాచిగూడ, కాజీపేట రైల్వేస్టేషన్ల మీదుగా ఉత్తరాఖండ్‌లోని రిషికేశ్‌కు ప్రత్యేక రైళ్ల సేవలను అందుబాటులోకి తీసుకొచ్చినట్లు పేర్కొంది. యశ్వంత్పూర్-యోగ్‌ నగరి రిషికేశ్ (06597)కు ప్రతీ గురువారం రైలు ప్రయాణికులకు సేవలందిస్తుందని తెలిపింది. ఈ రైలు గురువారం ఉదయం 7 గంటలకు రిషికేశ్‌లో బయలుదేరి ఆదివారం గమ్యస్థానం చేరుతుంది. ఈ రైలు కాచిగూడలో రాత్రి 8.50 గంటలకు.. కాజీపేటలో 11.33 గంటలకు అందుబాటులో ఉంటుందని పేర్కొంది.
రిషికేశ్-యశ్వంత్పూర్ (06598) రైలు ప్రతి ఆదివారం అందుబాటులో ఉంటుంది. ఆదివారం సాయంత్రం 5.55 గంటలకు ప్రారంభమవుతుంది. ఈ రైలు రెండు మార్గాల్లో యెలహంక జంక్షన్‌, హిందుపూర్‌, ధర్మవరం, అనంతపురం, డోన్, కర్నూల్ సిటీ, కాచిగూడ, కాజీపేట, బల్లర్షా, నాగ్పూర్, భోపాల్, బినా జంక్షన్‌, ఝాన్సీ, గ్వాలియర్, ఆగ్రా కాంట్, మధుర, నిజాముద్దీన్, ఘజియాబాద్, మీరట్, ముజఫర్‌నగర్‌, తాప్రి, రూర్కీ, హరిద్వార్ స్టేషన్లలో నిలుస్తుందని దక్షిణి మధ్య రైల్వే పేర్కొంది.
కాగా ఈ రైలులో ఫస్ట్‌క్లాస్‌ ఏసీ, థర్డ్ ఏసీ, సెకండ్ ఏసీ, స్లీపర్ క్లాస్ కోచ్‌లు అందుబాటులో ఉన్నాయని వెల్లడించింది. .
SCR : యశ్వంత్పూర్ – యోగ్‌నగరి రిషికేశ్ ప్రత్యేక రైలు సమాచారం
| అంశం | వివరాలు |
|---|---|
| రైలు నెంబరు | 06597 (యశ్వంత్పూర్ – రిషికేశ్) 06598 (రిషికేశ్ – యశ్వంత్పూర్) |
| ప్రత్యేక రైలు పేర్లు | స్పెషల్ ట్రైన్ – Q Special |
| ప్రారంభ తేదీలు | ప్రతి గురువారం (06597) ప్రతి ఆదివారం (06598) |
| రైలు బయలుదేరే సమయం | గురువారం ఉదయం 7:00 – రిషికేశ్ నుంచి (06597) ఆదివారం సాయంత్రం 5:55 – రిషికేశ్ నుంచి (06598) |
| ప్రధాన స్టేషన్లు | కాచిగూడ – రాత్రి 8:50 కాజీపేట – రాత్రి 11:33 |
| హాల్టింగ్ స్టేషన్లు | యెలహంక, హిందూపూర్, ధర్మవరం, అనంతపురం, డోన్, కర్నూల్ సిటీ, బల్లర్షా, నాగ్పూర్, భోపాల్, ఝాన్సీ, గ్వాలియర్, ఆగ్రా కాంట్, మధుర, నిజాముద్దీన్, ఘజియాబాద్, మీరట్, హరిద్వార్ |
| కోచ్‌ల తీరు.. | ఫస్ట్ క్లాస్ ఏసీ, సెకండ్ ఏసీ, థర్డ్ ఏసీ, స్లీపర్ క్లాస్ |
| ప్రత్యేకత | తెలంగాణ రాష్ట్ర యాత్రికుల కోసం రిషికేశ్‌కు నేరుగా రైలు కనెక్టివిటీ |
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
