New UPI Rules : UPI లేదా యూనిఫైడ్ పేమెంట్స్ ఇంటర్‌ఫేస్ నిబంధనల్లో కొన్నిమార్పులు జరగనున్నాయి. కొత్త నియమాలు మీపై ప్రభావం చూపవచ్చు. యూనిఫైడ్ పేమెంట్స్ ఇంటర్‌ఫేస్ (UPI) వంటి రిటైల్ చెల్లింపు వ్యవస్థలను నిర్వహించే నేషనల్ పేమెంట్స్ కార్పొరేషన్ ఆఫ్ ఇండియా (NPCI) ప్రకారం, UPI ఖాతాలకు లింక్ చేయబడిన మొబైల్ నెంబర్ ఎక్కువ కాలం ఇనాక్టివ్ గా ఉంటే దానిని ఏప్రిల్ 1 నుండి బ్యాంక్ రికార్డుల నుంచి తొలగించబడతాయి. అందువల్ల, ఇప్పుడు యాక్టివ్ గా లేని మొబైల్ నంబర్‌లను ఉపయోగించి Paytm, Google Pay మరియు PhonePe వంటి UPI-ఆధారిత యాప్‌లకు సభ్యత్వం పొందిన వారు వెంటనే వారి ప్రస్తుత మొబైల్ నంబర్‌లను సిస్టమ్‌లో నమోదు చేసుకోవాలి.
అంతకుముందు, పేటీఎం, గూగుల్ పే వంటి యుపిఐ లావాదేవీలను చేసే బ్యాంకులు, యూపీఐ సంస్థలు తమ కస్టమర్ల మొబైల్ నంబర్ రికార్డులను కనీసం వారానికి ఒకసారి తప్పనిసరిగా అప్ డేట్ చేయాలని ఆదేశించింది.
New UPI Rules : ఎందుకు ఈ నిబంధనలు
అర్థమయ్యేలా చెప్పాలంటే, UPI యాప్‌కు లింక్ చేయబడిన మీ మొబైల్ నంబర్ నిష్క్రియంగా (ఇన్ యాక్టివ్ గా) ఉంటే, అది మీ బ్యాంక్ ఖాతా నుంచి తొలగించవచ్చు. తత్ఫలితంగా మీ UPI ఖాతా సస్పెన్షన్‌కు దారితీయవచ్చు. UPI యాప్‌లకు లింక్ చేయబడిన మొబైల్ నంబర్‌లు ఎక్కువ కాలం ఉపయోగంలో లేకపోవడం తరచుగా UPI సేవల సజావుగా పనిచేయడానికి ఆటంకం కలిగిస్తాయి. ఇటీవల కాలంలో సైబర్ నేరాలు పెరిగిపోయాయి. ఇనాక్టివ్ నెంబర్లను ఉపయోగించిన నేరగాళ్లు అమాయకుల డబ్బులను అక్రమ పద్ధతిలో కాజేస్తున్నారు. ఇటువంటి నేరాలను అరికట్టేందుకు కొత్త నిబంధనలను అమలులోకి తీసుకొస్తున్నారు.
ఏప్రిల్ 1 నుండి ఏం జరుగుతుంది?
ఏప్రిల్ 1, 2025 నుండి, చాలా కాలంగా నిష్క్రియంగా ఉన్న, అంటే ఉపయోగంలో లేని అన్ని నంబర్‌లను నేషనల్ పేమెంట్ కార్పొరేషన్ ఆఫ్ ఇండియా (NPCI) తొలగించేస్తుంది. మీ బ్యాంక్ ఖాతాకు లింక్ చేయబడిన ఏదైనా పాత నంబర్ తొలగిస్తే ఏప్రిల్ 1, 2025 లోపు కొత్త నంబర్‌ను ఖాతాకు లింక్ చేయండి. మీరు ఇలా చేయకపోతే, UPI ద్వారా చెల్లింపులు చేయడంలో మీకు సమస్యలు ఎదురుకావచ్చు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
