World Biggest Dam : టిబెట్‌లోని బ్రహ్మపుత్ర నదిపై ప్రపంచంలోనే అతిపెద్ద డ్యామ్ (China dam) ను నిర్మించాలని చైనా యోచిస్తోంది. అయితే ఈ ప్రాజెక్ట్‌కి సంబంధించి రకరకాల ప్రశ్నలు తలెత్తుతున్నాయి. అయితే ఇప్పుడు దీనిపై చైనా ప్రకటన ఇచ్చింది. శుక్రవారం ఈ ప్రణాళికను సమర్థిస్తూ, చైనా ఈ ప్రాజెక్ట్ ద్వారా ఇతర దేశాలకు ఏమాత్రం ఇబ్బందులు ఏవీ ఉండ‌వ‌ని చెప్పింది. దశాబ్దాల అధ్యయనం త‌ర్వాత భద్రతా సంబంధిత సమస్యలను ప‌రిష్క‌రించామ‌ని US $ 137 బిలియన్ల అంచనా వ్యయంతో నిర్మిస్తున్న ఈ ‘బాహుబలి’ ప్రాజెక్ట్‌పై ఉన్న అనుమానాలు, భయాలను చైనా విదేశాంగ మంత్రిత్వ శాఖ ప్రతినిధి మావో నింగ్ తోసిపుచ్చారు.
China dam పై చైనా ఏమి చెప్పింది?
వాస్తవానికి, China dam ప్రాజెక్ట్ పర్యావరణపరంగా చాలా సున్నితమైన హిమాలయ ప్రాంతంలో నిర్మిస్తున్నారు. ఇది భూకంపాలు తరచుగా సంభవించే టెక్టోనిక్ ప్లేట్ సరిహద్దులో ఉంది. దశాబ్దాలుగా చైనా విస్తృతంగా అధ్యయనాలు చేసి భద్రతా చర్యలు చేపట్టిందని చెప్పారు. డ్యామ్‌కు సంబంధించిన ఆందోళనల గురించి మావో మాట్లాడుతూ, సరిహద్దు గుండా వెళుతున్న నదుల అభివృద్ధికి చైనా ఎల్లప్పుడూ క‌ట్టుబ‌డి ఉంద‌ని అన్నారు. టిబెట్‌లోని జలవిద్యుత్ ప్రాజెక్టుపై దశాబ్దాలుగా లోతుగా అధ్యయనం చేసి ప్రాజెక్టు భద్రతకు, పర్యావరణ పరిరక్షణకు భద్రతా చర్యలు చేపట్టామని చెప్పారు.
ఈ ప్రాజెక్టు వల్ల లోతట్టు ప్రాంతాలపై ఎలాంటి ప్రభావం ఉండదని చెప్పారు. ప్రస్తుతం ఉన్న మార్గాల ద్వారా దిగువ దేశాలతో చైనా కమ్యూనికేషన్‌ను కొనసాగిస్తుందని, నది ఒడ్డున నివసించే ప్రజల ప్రయోజనాల కోసం విపత్తు నివారణ, ఉపశమనంపై అంతర్జాతీయ సహకారాన్ని పెంచుతుందని ఆయన అన్నారు.
ప్రపంచంలోనే అతిపెద్ద మౌలిక సదుపాయాల ప్రాజెక్టుగా అభివర్ణించబడుతున్న టిబెట్‌లోని బ్రహ్మపుత్ర (Brahmaputra) నదిపై భారత సరిహద్దుకు సమీపంలో ప్రపంచంలోనే అతిపెద్ద డ్యామ్ నిర్మాణానికి చైనా బుధవారం ఆమోదం తెలిపింది. బ‌హ్మ‌పుత్ర నది భారతదేశం, బంగ్లాదేశ్‌లనూ ప్ర‌వ‌హిస్తుండ‌డంతో ఇక్క‌డ కూడా ఆందోళ‌న‌లు మొద‌ల‌యయ్యాయి. ఈ జలవిద్యుత్ ప్రాజెక్టును ‘యార్లంగ్ జాంగ్బో’ నది దిగువ భాగంలో నిర్మించనున్నట్లు అధికారిక ప్రకటన తెలిపింది. ‘యార్లంగ్ జాంగ్బో'(Yarlung Zangbo River) అనేది బ్రహ్మపుత్రకు ఉన్న టిబెటన్ పేరు. బ్రహ్మపుత్ర నది అరుణాచల్ ప్రదేశ్‌లోకి ప్రవేశించి బంగ్లాదేశ్‌లోకి పెద్ద మలుపు తీసుకుంటుంది.
హాంకాంగ్‌కు చెందిన ‘సౌత్ చైనా మార్నింగ్ పోస్ట్’ ప్రకారం, డ్యామ్‌లో మొత్తం పెట్టుబడి ఒక ట్రిలియన్ యువాన్ (137 బిలియన్ యుఎస్ డాలర్లు) మించవచ్చు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
