Bhayya Sunny Yadav : యూ ట్యూబ్‌ ఇన్‌ఫ్లూయెన్సర్‌, బైక్ రైడర్‌ బయ్యా సన్నీ యాద‌వ్‌ను నేష‌నల్ ఇన్వెస్టిగేష‌న్ ఏజెన్సీ(NIA) అధికారులు గురువారం అరెస్టు చేశారు. ఇటీవల బైక్‌పై పాకిస్తాన్ టూర్‌కు అత‌డు వెళ్లి వ‌చ్చాడు. ఈ క్ర‌మంలోనే చెన్నై విమాశ్రయంలో ఎన్ఐఏ అధికారులు అదుపులోకి తీసుకున్నారు. పాకిస్తాన్ టూర్ వివరాలను ఎన్ఐఏ అధికారులు సేక‌రిస్తున్న‌ట్లు స‌మాచారం.
కాగా, కొన్నాళ్ల క్రితం బెట్టింగ్‌ యాప్‌ ప్రమోషన్ల కేసులో యూ ట్యూబ్‌ ఇన్‌ఫ్లూయెన్సర్‌ బయ్యా సన్నీ యాదవ్‌పై సూర్యాపేట జిల్లా పోలీసులు లుక్‌ఔట్‌ సర్క్యులర్‌ జారీ చేసిన విష‌యం తెలిసిందే.. బెట్టింగ్‌ యాప్‌ ప్రమోషన్లపై మార్చి 5న సూర్యాపేట జిల్లా నూతనకల్‌ పోలీసు స్టేషన్‌లో సన్నీ యాదవ్‌పై కేసు నమోదైంది. విచారణలో భాగంగా సన్నీ యాదవ్ విదేశాల్లో ఉన్నట్లు నాడు పోలీసులు గుర్తించారు. సన్నీ యాదవ్ వాఘా సరిహద్దు గుండా పాకిస్తాన్ దేశంలోకి వెళ్లినట్లు పోలీసులు అనుమానించారు. ఈ క్రమంలో పాకిస్తాన్ బైక్ యాత్రను పూర్తి చేసినట్లు సన్నీయాదవ్ సోషల్ మీడియాలో ఇటీవల పోస్ట్ చేశారు. భారత్ కు తిరిగి రావడంతో చెన్నై విమానాశ్రయంలో పోలీసులు ఆయనను అదుపులోకి తీసుకున్నారు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
