అవినీతి తిమింగలాలపై ఏసీబీ పంజా: అక్రమార్కుల గుండెల్లో రైళ్లు..!
తెలంగాణలో ఏసీబీ దూకుడు.. ఎప్పుడు ఎవరిపై రైడ్ జరుగుతుందోనని అధికారుల్లో టెన్షన్ టెన్షన్!
వరుస దాడులు, ఆకస్మిక తనిఖీలతో లంచావతారులకు నిద్ర కరవు.
తెలంగాణలో అవినీతిని కూకటివేళ్లతో పెకలించేందుకు యాంటీ కరప్షన్ బ్యూరో (ACB) రూట్ మార్చింది. లంచగొండుల ఆట కట్టించేందుకు అధికారులు తీసుకుంటున్న దూకుడు నిర్ణయాలు ఇప్పుడు రాష్ట్రంలోని అక్రమార్కుల వెన్నులో వణుకు పుట్టిస్తున్నాయి. క్షేత్రస్థాయి నుంచి ఉన్నత స్థాయి వరకు అవినీతిని అంతమొందించడమే లక్ష్యంగా ఏసీబీ అడుగులు పడుతుండటంతో.. ఎప్పుడు ఎవరిపై రైడ్ జరుగుతుందో తెలియక అక్రమార్కులు బిక్కుబిక్కుమంటున్నారు.
కూకటివేళ్లతో కదులుతున్న అక్రమాస్తుల పుట్టలు..
గడిచిన కొన్ని రోజులుగా ఏసీబీ జరుపుతున్న వరుస దాడులు రాష్ట్రవ్యాప్తంగా తీవ్ర సంచలనం సృష్టిస్తున్నాయి. గతంలో కేవలం లంచం తీసుకుంటూ రెడ్ హ్యాండెడ్గా దొరికిన వారిపైనే చర్యలు ఉండేవి. కానీ ఇప్పుడు ట్రెండ్...