Vijayawada Special Trains : అత్యంత ప్ర‌తిష్టాత్మ‌కంగా నిర్వ‌హిస్తున్న మహా కుంభమేళా (Maha Khubh 2025) ఉత్స‌వం కోసం భ‌క్తులు, ప్ర‌యాణికుల సౌక‌ర్యార్థం విజయవాడ మీదుగా ప్ర‌యాగ్‌రాజ్‌కు ప్రత్యేక రైళ్లు నడపనున్నట్లు దక్షిణ మధ్య రైల్వే అధికారులు తెలిపారు. షెడ్యూల్ ప్రకారం తిరుపతి-బెనారస్ ప్రత్యేక రైలు (07107) జనవరి 18, ఫిబ్రవరి 8, 15, 23 శనివారాల్లో తిరుపతి నుంచి రాత్రి 8:55 గంటలకు బయలుదేరి మధ్యాహ్నం 3:45 గంటలకు బెనారస్ చేరుకుంటుంది. తిరుగు ప్రయాణంలో రైలు నెం. 07108 జనవరి 20, ఫిబ్రవరి 10, 17, 24 సోమవారాల్లో సాయంత్రం 5:30 గంటలకు బెనారస్ నుంచి బయలుదేరుతుంది.
హాల్టింగ్ స్టేష‌న్లు
ఈ రైళ్లు గూడూరు, నెల్లూరు, ఒంగోలు, చీరాల, తెనాలి, విజయవాడ, ఏలూరు, తాడేపల్లిగూడెం, నిడదవోలు, రాజమహేంద్రవరం, సామర్లకోట, అన్నవరం, యలమంచిలి, అనకాపల్లి, దువ్వాడ, పెందుర్తి, కొత్తవలస, విజయనగరం, బొబ్బిలి, రావినగరం, బొబ్బిలి వంటి పలు స్టేషన్లలో ఆగుతాయి. , మునిగూడ స్టేషన్లలో నిలుస్తుంది.
నర్సాపూర్ నుంచి ప్రత్యేక రైలు
Vijayawada Special Trains : మ‌రోవైపు నర్సాపూర్-బెనారస్ ప్రత్యేక రైలు (07109) (Narsapur-Banaras Special train) నర్సాపూర్ నుంచి జనవరి 26, ఫిబ్రవరి 2వ తేదీల్లో ఉదయం 6:00 గంటలకు బయలుదేరుతుంది. మరుసటి రోజు మధ్యాహ్నం 3:45 గంటలకు బెనారస్ చేరుకుంటుంది. ఇక తిరుగు ప్రయాణంలో, రైలు నెం. 07110 జనవరి 27, ఫిబ్రవరి 3వ తేదీలలో సాయంత్రం 5:30 గంటలకు బెనారస్ నుంచి బయలుదేరుతుంది.
పండుగ సమయంలో ప్రయాణానికి డిమాండ్ ఎక్కువగా ఉండటంతో ప్రయాణికులు బుకింగ్ చేసుకోవాలని అధికారులు కోరారు. మహాకుంభమేళా సంద‌ర్భంగా ప్ర‌యాణికుల రద్దీని తగ్గించడానికి దక్షిణ మధ్య రైల్వే (SCR) వివిధ గమ్యస్థానాల మధ్య 16 మహాకుంభమేళా ప్రత్యేక రైళ్లను నడుపుతుంది. ఈ రైళ్లు జనవరి 18 మరియు ఫిబ్రవరి 23 మధ్య నడపనున్నట్లు SCR శుక్రవారం ప్రకటించింది.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
