Viral Video | ఆర్టీసీ బస్సులో మందుబాబుల హంగామా – డ్రైవర్, కండక్టర్పై దాడి
Narsampet Viral Video | హైదరాబాద్–మహబూబాబాద్ ఆర్టీసీ బస్సులో ఇద్దరు చిత్తుగా మద్యం సేవించి వీరంగం సృష్టించారు. వరంగల్ వద్ద ఎక్కిన ఈ ఇద్దరు యువకులు నర్సంపేటకు టికెట్ తీసుకున్నప్పటికీ, అక్కడికి రాగానే దిగేందుకు నిరాకరించారు. కండక్టర్ వారిని దించేందుకు ప్రయత్నించగా రెచ్చిపోయారు. డ్రైవర్, కండక్టర్ పట్ల అనుచితంగా ప్రవర్తించారు.
బస్సును పక్కన ఆపి ఆర్టీసీ సిబ్బంది మందుబాబులను దించేందుకు ప్రయత్నించడంతో, “నర్సంపేట కాంగ్రెస్ ఎమ్మెల్యే దొంతి మాధవరెడ్డి మా పెద్దన్న” అంటూ యువకులు మరింత ఆగ్రహంతో ప్రవర్తించారు. డ్రైవర్, కండక్టర్పై దాడి చేయడానికి యత్నించారు.ఇదంతా గమనించిన ప్రయాణికులు జోక్యం చేసి ఇద్దరినీ అదుపులోకి తీసుకుని పోలీసులకు అప్పగించారు. ఘటనకు సంబంధించిన వీడియో బస్సులో ఉన్నవారు రికార్డ్ చేసి సోషల్ మీడియాలో పోస్టు చేయడంతో ప్రస్తుతం వేగంగా వైరల్ అవుతోంది.
Shocking: RTC బస్సులో మ...
