Financial New rules From August 2025 : ఆగస్టు నెలలో అనేక ముఖ్యమైన ఆర్థిక మార్పులు అమల్లోకి వస్తున్నాయి. ఈ మార్పులు మీ రోజువారీ లావాదేవీలు, ప్రయాణం, క్రెడిట్‌ కార్డ్ ప్రయోజనాలపై ప్రత్యక్ష ప్రభావాన్ని చూపుతాయి. UPI లావాదేవీల కోసం సవరించిన నియమాలు, ప్రైవేట్ వాహనాలకు కొత్త FASTag వార్షిక పాస్, ఎంపిక చేసిన SBI క్రెడిట్ కార్డులపై ఉచిత బీమా కవర్ విత్‌డ్రా ఈరోజు నుండి అమల్లోకి వ‌చ్చాయి. ఆగస్టులో అమల్లోకి వచ్చే ప్రధాన మార్పులు ఇవే..

ఆగస్టులో UPI మార్పులు

UPI Changes 2025 : UPI లావాదేవీల పనితీరును మెరుగుపచేందుకు నేషనల్ పేమెంట్స్ కార్పొరేషన్ ఆఫ్ ఇండియా (NPCI) యూనిఫైడ్ పేమెంట్స్ ఇంటర్‌ఫేస్ (UPI) ఎకోసిస్టమ్‌లో అనేక మార్పులు చేసింది. బ్యాలెన్స్ ఎంక్వైరీ రిక్వెస్ట్‌ల‌ను పరిమితం చేయడం నుండి ఆటోపే మాండేట్ ఎగ్జిక్యూషన్, వాలిడేట్ అడ్రస్ వంటి APIల వినియోగాన్ని నియంత్రించడం వరకు NPCI UPI ఎకోసిస్టమ్ సభ్యుల కోసం అదనపు మార్గదర్శకాలను జారీ చేసింది.

August 2025 లో SBI క్రెడిట్ కార్డ్ మార్పులు

SBI Credit Card Updates : SBI కార్డ్ ఆగస్టు 11, 2025 నుంచి దాని అనేక కో-బ్రాండెడ్ క్రెడిట్ కార్డులపై ఉచిత విమాన ప్రమాద బీమా ప్రయోజనాన్ని నిలిపివేస్తుంది. ఈ చర్య ఎంపిక చేసిన ప్లాటినం కార్డులను కలిగి ఉన్నవారితో పాటు ELITE, PRIME వంటి ప్రీమియం వేరియంట్‌లను కూడా ప్రభావితం చేస్తుంది. ఈ ఉపసంహరణలో గతంలో అదనపు ప్రయోజనాలుగా అందించబడిన రూ. 1 కోటి రూ. 50 లక్షల అధిక-విలువ బీమా కవర్లు ఉన్నాయి. ఈ SBI కార్డ్ హోల్డర్లు ఆగస్టు 11, 2025 నుండి ఉచిత విమాన ప్రమాద బీమా ప్రయోజనాన్ని కోల్పోతారు.

ఫాస్ట్ ట్యాగ్ వార్షిక పాస్

FASTag Annual Pass August 2025 : ఆగస్టు 15, 2025 నుంచి, ప్రైవేట్ వాహన యజమానులకు రోడ్డు రవాణా, రహదారుల మంత్రిత్వ శాఖ ప్రవేశపెట్టిన కొత్త FASTag వార్షిక పాస్‌ను అందుబాటులోకి తీసుకొచ్చింది. ఈ పాస్ 200 టోల్ లావాదేవీలకు అవ‌కాశ‌మిస్తుంది. లేదా ఇది ఒక సంవత్సరం పాటు చెల్లుబాటు అవుతుంది. ఏది ముందు అయితే అది, వార్షిక ప్లాన్ ధ‌ర‌ రూ. 3000. ఈ వార్షిక‌ ప్లాన్‌ టోల్ చెల్లింపులను సుల‌భ‌త‌రం చేస్తుంది. తరచుగా హైవే డ్రైవింగ్ చేసేవారికి ఇది మేలు చేస్తుంది.
వార్షిక పాస్ తప్పనిసరి కాదని గమనించండి : ప్రస్తుత FASTag వ్యవస్థ ఇప్పుడు ఉన్నట్లుగానే పని చేస్తూనే ఉంటుంది. వార్షిక పాస్‌ను ఎంచుకోని వారు ప్లాజాలో వర్తించే ఛార్జీల ప్రకారం సాధారణ లావాదేవీల కోసం వారి FASTagను ఎప్ప‌టిలాగే ఉపయోగించుకోవ‌చ్చు.

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం  సర్కార్ లైవ్ వెబ్ సైట్ ను సందర్శించండి.  అలాగే మా  ఫేస్ బుక్,వాట్సప్ చానల్, ఎక్స్(ట్విట్టర్)  ను  ఫాలో అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.