ఢిల్లీకి సమీపంగా ఉత్తర ప్రదేశ్‌లో నోయిడా వ‌ద్ద నిర్మితమవుతున్న జేవర్ అంతర్జాతీయ విమానాశ్రయం (Jewar International Airport) ఆసియాలోనే అతిపెద్ద ఎయిర్‌పోర్టుగా నిలవనుంది. ఏప్రిల్ 2025 నుంచి ఈ విమానాశ్రయం అందుబాటులోకి రానుంద‌ని కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు (Civil Aviation Minister Rammohan Naidu) రాజ్యసభలో వెల్లడించారు. ఇది ప్రపంచ స్థాయి సౌకర్యాలతో సేవ‌లు అందిస్తుంద‌ని వెల్లడించారు.
ఉత్సుక‌త చూపుతున్న ఎయిర్‌లైన్స్‌లు
జేవర్ విమానాశ్రయం ప్రారంభం కాకముందే ఎయిర్ ఇండియా, ఇండిగో, స్పైస్ జెట్ వంటి ఎయిర్‌లైన్స్‌లు తమ సేవలను ప్రారంభించేందుకు ఉత్సాహంగా ఎదురు చూస్తున్నాయి. ఈ ఎయిర్‌పోర్ట్ దేశీయ, అంతర్జాతీయ ప్రయాణికులకు మరింత సౌలభ్యాన్ని అందించనుంది. నోయిడా ఎక్స్‌ప్రెస్‌వేకు చాలా దగ్గరగా ఉండటంతో ఢిల్లీ, గురుగ్రామ్, నోయిడా, అగ్రా, లక్నో వంటి ప్రధాన నగరాల నుంచి ప్రయాణం మరింత సులభం కానుంది.
Jewar International Airport విశేషాలు
- ప్రపంచ స్థాయి నిర్మాణం
- అంతర్జాతీయ ప్రమాణాల‌తో సేవ‌లు
- అత్యాధునిక టెర్మినల్స్‌
- అత్యధిక సామర్థ్యం కలిగిన రన్వేలు
- ఆసియాలోనే అతిపెద్ద విమానాశ్రయం
- మొత్తం 5,000 హెక్టార్ల విస్తీర్ణంలో అభివృద్ధి
- పూర్తయిన తర్వాత 12 కోట్ల మందికి పైగా ప్రయాణికులను హ్యాండిల్ చేయగలదు
- మొదటి దశలో 3 కోట్ల ప్రయాణికుల సామర్థ్యంతో ప్రారంభం
- అంతర్జాతీయ కనెక్టివిటీ
- యూరోప్, అమెరికా, మధ్య ప్రాచ్యం, ఆసియా దేశాలతో నేరుగా కనెక్టివిటీ
- కొత్త ఎయిర్ కార్గో హబ్‌గా అభివృద్ధి
- విస్తృత రోడ్డు, రైలు కనెక్టివిటీ
- ఢిల్లీ-ముంబై ఎక్స్‌ప్రెస్‌వే, యమునా ఎక్స్‌ప్రెస్‌వే ద్వారా వేగవంతమైన ప్రయాణం
- రాపిడ్ రైల్, మెట్రో కనెక్టివిటీ అభివృద్ధి ప్రధాన విమానాశ్రయాలతో పోల్చితే…
భారతదేశంలో ఇప్పటికే కొన్ని ముఖ్యమైన అంతర్జాతీయ విమానాశ్రయాలు ఉన్నాయి. వాటిలో ఢిల్లీ ఇందిరా గాంధీ అంతర్జాతీయ విమానాశ్రయం, ముంబై ఛత్రపతి శివాజీ విమానాశ్రయం, బెంగళూరు కెంపేగౌడ విమానాశ్రయం, చెన్నై అన్నా అంతర్జాతీయ విమానాశ్రయం ముఖ్యమైనవి. అయితే.. జేవర్ విమానాశ్రయం వీటన్నింటినీ మించి కొత్త సాంకేతిక పరిజ్ఞానంతో అందుబాటులోకి రానుంది.
అత్యాధునిక విమానాశ్రయాల్లో అగ్ర‌గామి
భారతదేశంలో విమాన ప్రయాణం అనివార్యం అవుతున్న ప్రస్తుత కాలంలో జేవర్ అంతర్జాతీయ ఎయిర్‌పోర్ట్ ఒక పెద్ద మైలురాయి. ఇది ప్రపంచ స్థాయిలో అత్యాధునికంగా ఉండే విమానాశ్రయాల్లో ఒకటి.. ఏప్రిల్ 2025లో ప్రారంభం అయ్యే ఈ విమానాశ్రయం భారతదేశ విమానయాన రంగాన్ని మరో మెట్టుకు తీసుకెళ్లనుంది.
అంతర్జాతీయ సంబంధాలకు మేలు
Jewar International Airport Opening Date : ఏప్రిల్ 2025 నుంచి ఈ విమానాశ్రయం అందుబాటులోకి రానుంద‌ని కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు వెల్లడించారు. కాగా భారతదేశ విమానయాన రంగం వేగంగా అభివృద్ధి చెందుతోంది. కొత్త విమానాశ్రయాల నిర్మాణం, ప్రైవేట్ ఎయిర్‌లైన్స్‌ల పెరుగుదల, విమాన టికెట్ ధరలు తగ్గడం వంటి అంశాలు విమాన ప్రయాణాన్ని మరింత ప్రాచుర్యంలోకి తెస్తున్నాయి. జేవర్ విమానాశ్రయం పూర్తయిన తర్వాత ఇది భారతదేశ ఆర్థిక వ్యవస్థకు, టూరిజానికి, అంతర్జాతీయ వ్యాపార సంబంధాలకు మేలు కలిగించే హబ్‌గా మారబోతుంది. ఉడాన్ (Udaan) పథకం ద్వారా దేశంలోని చిన్న పట్టణాలు కూడా ప్రధాన నగరాలకు విమాన మార్గాల ద్వారా అనుసంధానమవుతాయి.
ఉడాన్ పథకం… చిన్న పట్టణాలకు అనుసంధానం
ఉడాన్ (Ude Desh Ka Aam Naagrik) పథకం ద్వారా చిన్న పట్టణాల్లోని విమానాశ్రయాలను పునరుద్ధరించడం, కొత్తగా అభివృద్ధి చేయడం లాంటి ప్ర‌య‌త్నాలు దేశంలో సాగుతున్నాయి. ఈ పథకం కాల‌ప‌రిమితిని 10 సంవత్సరాలకు పొడిగించారు. అందులో భాగంగా దేశవ్యాప్తంగా మరో 100 కొత్త విమానాశ్రయాలు అభివృద్ధి చేయనున్నారు. దీంతో చిన్న పట్టణాల ప్రజలు కూడా తక్కువ ఖర్చుతో విమాన ప్రయాణం చేయగలుగుతారు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
