Cash Rain | ఉత్తరప్రదేశ్‌లోని ఔరైయా జిల్లాలో బిధునా తహసీల్ ప్రాంగణంలో ఒక కోతి “డబ్బుల వర్షం కురిపించింది. దీనికి సంబంధించిన వీడియో ఇపుడు సోషల్ మీడియాలో వైరల్‌గా మారింది. నివేదికల ప్రకారం, మంగళవారం మధ్యాహ్నం 1 గంటల ప్రాంతంలో దొండాపూర్ గ్రామానికి చెందిన రోహితాష్ చంద్ర తన భూమి పత్రాలను రిజిస్ట్రేషన్ చేసుకోవడానికి తహసీల్ కార్యాలయానికి వచ్చినప్పుడు ఈ సంఘటన చోటుచేసుకుంది. భూమి రిజిస్ట్రేషన్ పూర్తి చేయడానికి అనుజ్ కుమార్ తన తండ్రి రోహితాష్ చంద్రతో కలిసి వచ్చాడు. వారు మోపెడ్ లోని స్టోరేజ్‌ కంపార్ట్‌మెంట్ లోపల రూ.80,000 నగదును ఉంచారు. రోహితాష్ తన న్యాయవాదితో పేప‌ర్ వ‌ర్క్ లో నిమగ్నమై ఉండగా, ఒక కోతి వాహనంలో దాచిన నగదు బ్యాగ్ ను లాక్కొని పారిపోయింది.
ఒక కోతి మోటార్ సైకిల్ నిల్వ కంపార్ట్‌మెంట్ తెరిచి, నగదు బ్యాగ్‌ను లాక్కొని, ఆ ప్రాంగణంలోని ఒక చెట్టుపైకి ఎక్కింది. కొద్దిసేపటి తర్వాత, కోతి కరెన్సీ నోట్లను తీసి అన్ని దిక్కులా విసిరేయడం ప్రారంభించింది, ఇది తీవ్ర గందరగోళం ఏర్ప‌డింది. నోట్లు వర్షంగా పడటంతో, తహసీల్ కార్యాల‌యం వద్ద ఉన్న ప్రజలు వాటిని తీసుకునేందుకు ఎగ‌బ‌డ్డారు.ఈ మొత్తం ఎపిసోడ్‌ను వీడియోలో చిత్రీకరించారు. ఇప్పుడు సోషల్ మీడియా ప్లాట్‌ఫామ్‌లలో విస్తృతంగా ప్రచారం అవుతోంది.
ఆ గొడవ ముగిసే సమయానికి, రోహితాష్ కేవలం 52,000 రూపాయలు మాత్రమే తిరిగి పొందగలిగాడు, మిగిలిన 28,000 రూపాయలను చెల్లాచెదురుగా ఉన్న నగదును ప్రజలు తీసుకెళ్లారని ఆరోపించారు.
#UttarPradesh | Money seemingly rains from a tree, prompts people to scramble and collect the cash.
A private teacher carried Rs 80,000 in a bag, which he placed in the dickey of his motorcycle. While completing paperwork, a monkey approached the bike, opened the compartment,… pic.twitter.com/E096vAPJRK
— The Times Of India (@timesofindia) August 27, 2025
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
