వరంగల్ పోలీస్ కమిషనరేట్ పరిధిలోని ఆత్మకూరు పోలీస్ స్టేషన్లో ఎస్సైగా విధులు నిర్వహిస్తున్న సతీష్పై వేటు పడింది. ఆయనను సస్పెండ్ చేస్తూ వరంగల్ పోలీస్ కమిషనర్ సన్ ప్రీత్ సింగ్ శుక్రవారం ఉత్తర్వులు జారీ చేశారు.
ఎస్సై సతీష్పై గత కొంతకాలంగా ఉన్నతాధికారులకు పలు ఫిర్యాదులు అందాయి. ఈ నేపథ్యంలో జరిగిన అంతర్గత విచారణలో ,విధి నిర్వహణలో భాగంగా పలువురి నుంచి అక్రమంగా వసూళ్లకు పాల్పడినట్లు ఆరోపణలు వచ్చాయి.నమోదైన కేసుల దర్యాప్తులో నిర్లక్ష్యం వహించడం, బాధితులకు సకాలంలో స్పందించకపోవడంపై విచారణాధికారులు నివేదిక అందించారు.ప్రాథమిక విచారణలో ఈ ఆరోపణలు నిజమని తేలడంతో క్రమశిక్షణా చర్యల్లో భాగంగా సిపి ఆయనను సస్పెండ్ చేశారు.శాంతిభద్రతల పరిరక్షణలో కీలక పాత్ర పోషించాల్సిన అధికారులే అక్రమాలకు పాల్పడితే సహించేది లేదని ఈ సస్పెన్షన్ ద్వారా పోలీస్ కమిషనరేట్ బలమైన సంకేతాలను పంపింది. ప్రస్తుతం ఈ వ్యవహారం పోలీస్ వర్గాల్లో చర్చనీయాంశంగా మారింది.
