TasteAtlas : ప్రపంచంలోని టాప్ 100 వంటకాల జాబితాలో హైద‌రాబాదీ బిర్యానీ చోటు ద‌క్కించుకుంది. 31వ ర్యాంకును సంపాదించుకుంది. దీంతో మ‌రో మూడు భార‌తీయ వంట‌కాలకు కూడా ఈ జాబితాలో చోటు ల‌భించింది. TasteAtlas రూపొందించిన ఈ లిస్టులో హైద‌రాబాదీ బిర్యానీ చేర‌పోవ‌డం, అందులో మంచి ర్యాంకును ద‌క్కించుకోవ‌డంపై స‌ర్వ‌త్రా హర్షం వ్య‌క్త‌మ‌వుతోంది.

అగ్ర‌స్థానంలో మన బిర్యానీ

టేస్ట్ అట్లాస్ రూపొందించిన తాజా జాబితాలో నాలుగు ప్రముఖ భారతీయ వంటకాలు ప్రపంచవ్యాప్తంగా గొప్ప పేరును తెచ్చుకున్నాయి. వాటిలో మ‌న హైదరాబాదీ బిర్యానీ అగ్రస్థానంలో ఉండ‌టంతో ఈ డిష్‌కు మ‌రింత విశేష‌ ఆద‌ర‌ణ ల‌భిస్తోంది.

TasteAtlas జాబితాలో భారతీయ వంటకాలు

ముర్గ్ మఖనీ (ర్యాంక్ 29):

దీనిని బటర్ చికెన్ అని కూడా పిలుస్తారు. ఇది ఉత్తర భారత సంప్రదాయ వంటకం. మృదువైన చికెన్ ముక్కలు, క్రీమీ టమాటో గ్రేవీతో రూపొందించే ఈ డిష్‌ అంతర్జాతీయంగా గుర్తింపు పొందింది.

హైదరాబాద్ బిర్యానీ (ర్యాంక్ 31):

hyderabadi biryani recipe : ఈ వంటకం నిజాం కాలం నుంచి వ‌స్తోంది. బాస్మతి బియ్యం, ఉడికిన మాంసం, ఆవుపాలు, కేవ్‌డార్ వంటి ప్రత్యేక పదార్థాలతో దీనిని తయారు చేస్తారు. హైద‌రాబాద్ అంటేనే బిర్యానీ గుర్తుకొచ్చేలా ఇది ప్ర‌పంచ వ్యాప్తంగా పాచుర్యం పొందింది. ఈ బిర్యానీని ఒక‌సారి ఆర‌గించామంటే.. దీని రుచిని మ‌ర‌చిపోలేం. అది గుర్తుకు వ‌చ్చిన‌ప్పుడ‌ల్లా నోరూరుతూనే ఉంటుంది.

చికెన్ 65 (ర్యాంక్ 97):

చికెన్ 65 అనేది దక్షిణ భారత వంటకం. దీన్ని సుగంధ భరితమైన మసాలాలతో వేగించి త‌యారు చేస్తారు. ఇది ఒక బజ్జిలా గానీ లేదా స్నాక్‌గా గానీ ఉంటుంది.

కీమా (ర్యాంక్ 100):

మటన్ లేదా చికెన్ ముక్కలతో తయారు చేసే వంటకం కీమా. మంచి మసాలా మిశ్రమంతో దీన్ని వండుతారు. చ‌పాతీతో దీన్ని తింటే మ‌రింత రుచిని అందిస్తుంది.

Hyderabadi biryani ప్ర‌తేక‌త‌

హైదరాబాదీ బిర్యానీ అనేది నిజాం వంట గ‌దుల నుంచి పుట్టింది. నగరంలోని ప్రజలు మాత్రమే కాకుండా ప్రపంచ వ్యాప్తంగా ఎంతోమంది ఇష్టపడే డిష్‌ ఇది. కాలాలు ఎన్ని మారినా ఇది మార‌లేదు. ఎన్న‌టికీ ఇది ఎవ‌ర్‌గ్రీనే. ఈ హైద‌రాబాదీ బిర్యానీని తిన‌డానికి ప్ర‌త్యేకంగా దేశ విదేశాల నుంచి ప్ర‌యాణించి వ‌చ్చే వారు ఉన్నారంటే అతిశ‌యోక్తికాదు.

ఎలా త‌యారు చేస్తారంటే..

హై క్వాలిటీ బాస్మతి బియ్యం తీసుకుంటారు. మాంసం ( మటన్ లేదా చికెన్), ఉల్లిపాయలు, పుదీనా ఆకులు, కొత్తిమీరా , ప్రత్యేక మసాలాలు (కేవ్‌డార్, బిర్యానీ మసాలా), అవుపాలు ఉప‌యోగిస్తారు.

ఈ బిర్యానీని దమ్ పద్ధతి ద్వారా తయారు చేస్తారు. అంటే బియ్యం, మాంసాన్ని నెమ్మదిగా వేపుడుగిన్నెలో ఆవిరితో ఉడికిస్తారు. ఇది వంటకానికి ఒక ప్రత్యేకమైన రుచిని, ఘుమఘుమలను ఇస్తుంది.

ప్రత్యేక వంటకాల న‌గ‌రం హైద‌రాబాద్

రాజసంతో నిండిన నగరం హైద‌రాబాద్‌. వంటకాలతో ప్రపంచ వ్యాప్తంగా ఇది ప్రసిద్ధి చెందింది. నిజాం కాలంలో పుట్టుకొచ్చిన ఈ వంటకం భారతీయ సంప్రదాయాల సమ్మేళనంగా నిలుస్తుంది. దీని రుచి, ఘుమఘుమలు ఒక ప్రత్యేకతను చాటుకున్నాయి.

భారతీయ వంటకాల‌కు ఆద‌ర‌ణ‌

ప్రపంచ వ్యాప్తంగా భారతీయ వంటకాలకు విశేష ఆద‌ర‌ణ ఉంది. మ‌నదేశంలో ప్రతి వంటకం ప్ర‌త్యేక‌మే. మ‌న ప్రాంతీయతను, సాంస్కృతిక వారసత్వాన్ని, మసాలాల వినియోగాన్ని ఈ వంట‌కాలు ప్రతిబింబిస్తాయి. టేస్ట్ అట్లాస్ లాంటి జాబితాలో చోటు పొందడం భారతీయ వంటకాల గొప్పతనానికి నిదర్శనం. హైదరాబాదీ బిర్యానీతో పాటు ఇతర వంటకాలు కూడా ప్రపంచ మెనూలో చేరిపోవ‌డం హ‌ర్ష‌దాయ‌కం.

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం  సర్కార్ లైవ్ వెబ్ సైట్ ను సందర్శించండి.  అలాగే మా  ఫేస్ బుక్, వాట్సప్ చానల్, ఎక్స్(ట్విట్టర్)  ను  ఫాలో అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..