Training aircraft crash : గుజరాత్‌లోని అమ్రేలీ జిల్లా (Gujarat’s Amreli district)లో ఈ రోజు ఓ దుర్ఘ‌ట‌న జ‌రిగింది. ఒక ప్రైవేట్ విమానయాన శిక్షణ సంస్థకు చెందిన చిన్నవిమానం (small aircraft) జ‌నావాసాల మ‌ధ్య కుప్పకూలింది (crashed). ఈ ప్రమాదంలో శిక్షణలో ఉన్న పైలట్ (trainee pilot) అనికేత్ మహాజన్ (Aniket Mahajan) మృతి చెందాడు. దీంతో ఆ ప్రాంత ప్రజలు తీవ్ర భయభ్రాంతులకు గురయ్యారు. విమానం ఒక్కసారిగా భూమి వైపు దూసుకొచ్చి కుప్పకూలిపోయింద‌ని స్థానికులు తెలిపారు. భూమికి ఢీకొట్టిన సమయంలో పెద్ద శబ్దంతో పేలుడు సంభవించింది. ఈ శబ్దం విని చుట్టుపక్కల వారు భయంతో ఇళ్ల నుంచి బయటకు పరుగులు తీశారు.

Training aircraft crash : ఎందుకు.. ఎలా?

విమానం కూలిన ప్రదేశం నుంచి భారీగా మంటలు ఎగిసిపడిన దృశ్యం అందరినీ కలవరపరిచింది. వెంటనే ఫైర్ సిబ్బంది, పోలీసులు ఘటనాస్థలికి చేరుకుని రెస్క్యూ ఆపరేషన్లు ప్రారంభించారు. అయితే, ఎంత సత్వ‌రంగా చర్యలు తీసుకున్నా అనికేత్ మహాజన్‌ను రక్షించలేకపోయారు. ఇది ఓ ప్రైవేట్ పైలట్ శిక్షణ సంస్థ (private pilot training academy)కు చెందిన విమానం. ఈ సంస్థ తరచుగా ఇలాంటి ఒంటరి ప్రయాణ శిక్షణలు నిర్వహించటం వారి కోర్సు భాగంగా ఉంటుంది. ప్రస్తుతం ఈ ప్రమాదానికి అసలైన కారణాలపై దర్యాప్తు కొనసాగుతోంది. సాంకేతిక లోపమా? మానవ తప్పిదమా? లేక వాతావరణ ప్రభావమా అన్నది విచారణ అనంతరం తెలుస్తుంది.

వ‌రుస సంఘ‌ట‌న‌ల‌తో క‌ల‌వ‌రం

ఈ ప్రమాదం మరోసారి గుజరాత్ (Gujarat)లో ఉన్న ప్రైవేట్ ఫ్లయింగ్ స్కూళ్ల (private pilot training academy) భద్రత ప్రమాణాలపై అనేక ప్రశ్నలు లేవనెత్తింది. కొన్ని నెలల కిందటే మెహసానా జిల్లా ఓ గ్రామ సమీపంలో ఓ శిక్షణలో ఉన్న మహిళా పైలట్ కూడా విమానాన్ని కూల్చిన సంఘటన చోటుచేసుకుంది. ఆమె స్వల్ప గాయాలతో బ‌య‌ట‌ప‌డింది. తాజాగా జరిగిన ఈ ఘటన మాత్రం ప్రాణనష్టం దాకా వెళ్లింది. అధికారులు ఘటనాస్థలిని సంద‌ర్శించి విచారణ ప్రారంభించారు. డైరెక్టరేట్ జనరల్ ఆఫ్ సివిల్ ఏవియేషన్ (DGCA) కూడా ఈ ఘటనపై ప్రత్యేకంగా దర్యాప్తు జరిపేలా సిద్ధమవుతోంది. ప్రమాదం ఎలా జరిగింది? ఏ పరిస్థితుల మధ్య విమానం కూలిపోయింది? అనే విషయాలు DGCA విచారణలో వెల్లడయ్యే అవకాశం ఉంది.

శిక్ష‌ణలో అప‌శుత్రులు

గుజరాత్‌లో అహ్మదాబాద్, వడోదరా, మెహసానా, రాజ్కోట్, అమ్రేలీ వంటి నగరాల్లో అనేక ప్రైవేట్ ఫ్లయింగ్ ట్రైనింగ్ ఇన్‌స్టిట్యూషన్లు ఉన్నాయి. వీటిలో ఇండిరా గాంధీ ఇన్‌స్టిట్యూట్ ఆఫ్ ఏరోనాటిక్స్ (వడోదరా), అహ్మదాబాద్ ఏవియేషన్ అండ్ ఏరోనాటిక్స్ లిమిటెడ్ (AAA), కేప్టెన్ సాహిల్ ఖురానా ఏవియేషన్ అకాడమీ (మెహసానా) వంటి పేరొందిన సంస్థలు ఉన్నాయి. ఇవి కమర్షియల్ పైలట్ లైసెన్స్ (CPL), ప్రైవేట్ పైలట్ లైసెన్స్ (PPL) శిక్షణను అందిస్తాయి.
ప్రస్తుతం ఇండియాలో పైలట్లకు డిమాండ్ పెరుగుతుండటంతో గుజరాత్ రాష్ట్రంలో శిక్షణార్థుల సంఖ్య సంవత్సరానికి 300 నుంచి 400 వరకు పెరిగింది. ఈ సంస్థలు చిన్న విమానాలు (Cessna 152, Cessna 172) ఉపయోగించి శిక్షణ ఇస్తుంటాయి. వాటిలో ఒంటరి ప్రయాణాలు, క్రాస్ కంట్రీ నావిగేషన్, సిమ్యూలేటర్ సెషన్స్ వంటి అంశాలు ఉంటాయి.

భ‌ద్ర‌తా ప్ర‌మాణాలపై స‌వాళ్లు

DGCA ప్రైవేట్ ఫ్లయింగ్ స్కూళ్లను క్రమం తప్పకుండా తనిఖీ చేస్తూ వాటి నిర్వహణను పర్యవేక్షిస్తుంది. అయినప్పటికీ ఇటువంటి ఘటనలు జరగడం వల్ల భద్రత ప్రమాణాలపై మరోసారి కఠినంగా ఆలోచించాల్సిన అవసరం ఉందని విమానయాన నిపుణులు అభిప్రాయపడుతున్నారు. యువ పైలట్ల భద్రతకు అధిక ప్రాధాన్యత ఇవ్వాల్సిన అవసరం ఈ సంఘటన ద్వారా స్పష్టమవుతోంది.

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం  సర్కార్ లైవ్ వెబ్ సైట్ ను సందర్శించండి.  అలాగే మా  ఫేస్ బుక్,వాట్సప్ చానల్, ఎక్స్(ట్విట్టర్)  ను  ఫాలో అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.