Tirupati: ఆంధ్రప్రదేశ్‌లోని ప్రపంచ ప్రఖ్యాతి గాంచిన తిరుమ‌ల దేవాలయం (Tirumala Temple )లో ఓ భక్తుడు హుండీలో డబ్బును దొంగిలిస్తూ పట్టుబడ్డాడు. ఈ ఘటన నవంబర్ 23న చోటుచేసుకోగా ఆలయ అధికారులు పోలీసులకు ఫిర్యాదుతో ఆల‌స్యంగా వెలుగులోకి వచ్చింది. తమిళనాడుకు చెందిన వేణు లింగం అనే నిందితుడిని అరెస్టు చేశారు. పోలీసులు అతని నుంచి రూ.15,000 న‌గ‌దును స్వాధీనం చేసుకున్నారు.
నవంబర్ 23న మధ్యాహ్నం 2 గంటల ప్రాంతంలో జరిగిన ఈ దొంగతనానికి సంబంధించిన దృశ్యాలు సీసీటీవీ కెమెరాలో రికార్డయ్యిందని, సీసీటీవీ ఫుటేజీని ప‌రిశీలించిన ఆల‌య సెక్యూరిటీ సిబ్బంది వెంట‌నే పోలీసుల‌కు ఫిర్యాదు చేశారు.

భద్రతా సిబ్బంది నిందితుడిని అదుపులోకి తీసుకుని విచారించగా నేరం అంగీకరించాడు. అనంతరం తిరుమల తిరుపతి దేవస్థానం (టీటీడీ) అధికారులు పోలీసులకు ఫిర్యాదు చేశారు. ఈ ఘటనతో హుండీ చుట్టూ టీటీడీ భద్రతను మ‌రింత‌ కట్టుదిట్టం చేశారు.

కాగా, ప్రపంచంలోని అత్యంత సంపన్నమైన ఆలయాన్ని ప్రతిరోజూ సందర్శించే వేలాది మంది భక్తులు నగదు ఇతర కానుకలను హుండీలో వేస్తారు.5 వేల కోట్లకు పైగా బడ్జెట్‌తో ఉన్న ఈ ఆలయానికి హుండీ సేకరణే పెద్ద ఆదాయ వనరు. జనవరిలో, టిటిడి 2024-25 సంవత్సరానికి రూ. 5,141 కోట్ల బడ్జెట్‌ను ఆమోదించింది, ఇది గత సంవత్సరం కంటే 16 శాతం పెరిగింది. 1933లో టీటీడీ ఆవిర్భవించిన తర్వాత ఇదే అత్యధిక బడ్జెట్. ప్రస్తుత ఆర్థిక సంవత్సరంలో హుండీ ఆదాయం ద్వారా మొత్తం రూ.1,611 కోట్ల ఆదాయం సమకూరుతుందని అంచనా. హుండీ ఆదాయం ఒక్కోసారి ఒక్క‌రోజే రూ.కోటి దాటాయి. Tirumala Temple

గతేడాది ఏప్రిల్‌లో విదేశీ కరెన్సీని ఆల‌య‌ సిబ్బంది ఒకరు భారత కరెన్సీలో రూ.72 వేల విలువైన అమెరికా డాలర్లను దొంగిలిస్తూ పట్టుబడ్డాడు. టీటీడీ విజిలెన్స్ విభాగం స్థానిక పోలీసులకు ఫిర్యాదు చేసింది. స్థానిక పోలీసులు అదే రోజు ఎఫ్‌ఐఆర్ నమోదు చేసి, మరుసటి రోజు వెంటనే కోర్టులో ఛార్జ్ షీట్ దాఖలు చేశారు. అనంతరం ఆయనకు బెయిల్ మంజూరైంది.