Warangal CP Sunpreet Singh | శాంతిభద్రతల పరిరక్షణలో ఆయనొక ‘ఉక్కుపాదం’. అన్యాయంపై గర్జించే ‘సింహం’. కానీ, కష్టాల్లో ఉన్న సామాన్యుడికి మాత్రం ఆయనొక ‘ఆప్తబంధువు’. ఆయనే వరంగల్ పోలీస్ కమిషనర్ సన్ప్రీత్ సింగ్. అసాంఘిక శక్తులకు ‘సింహస్వప్నం’గా, సామాన్య ప్రజలకు ‘భరోసా’గా నిలుస్తూ వరంగల్ కమిషనరేట్ను ప్రగతిపథంలో నడిపిస్తున్న నిఖార్సైన ఐపీఎస్ అధికారి.
నిబద్ధతకు నిలువుటద్దం.. ఫ్రెండ్లీ పోలీసింగ్కు కేరాఫ్ అడ్రస్!
సన్ప్రీత్ సింగ్ వరంగల్ సీపీగా బాధ్యతలు చేపట్టిన నాటి నుండి ఇక్కడ పోలీసింగ్ ముఖచిత్రం పూర్తిగా మారిపోయింది. “పోలీసు అంటే భయం కాదు.. రక్షణ కల్పించే ఒక నమ్మకం” అనే భావనను ప్రజల్లో బలంగా నాటారు. క్షేత్రస్థాయి కానిస్టేబుల్ నుండి ఉన్నతాధికారి వరకు ప్రతి ఒక్కరూ జవాబుదారీతనంతో పనిచేసేలా కఠినమైన క్రమశిక్షణను అమలు చేస్తూ, వ్యవస్థలో సరికొత్త జవజీవాలు నింపారు.
నేరగాళ్ల గుండెల్లో వణుకు.. నగరంపై ‘సూర్య’ ప్రతాపం!
వరంగల్ నగరాన్ని నేరరహితంగా మార్చేందుకు ఆయన ముమ్మర యుద్ధం ప్రకటిస్తున్నారు. ముఖ్యంగా ఐదు అంశాలపై ఆయన వేస్తున్న ముద్ర అమోఘం
గంజాయిపై గర్జన: యువత భవిష్యత్తును బుగ్గిపాలు చేస్తున్న గంజాయి, డ్రగ్స్ మాఫియాపై ఆయన ‘జీరో టాలరెన్స్’ విధానాన్ని అవలంబిస్తున్నారు. మూలాలను వెతికి మరీ స్మగ్లర్ల పీచమణుస్తున్నారు.
భూకబ్జాలపై ఉక్కుపాదం : Warangal CP Sunpreet Singh
వరంగల్ పోలీస్ కమిషనరేట్ పరిధిలో భూకబ్జాలకు పాల్పడే వారిపై సిపి కఠినంగా వ్యవహరిస్తున్నారు. ఇప్పటికే పలువురు భూకబ్జాలకు పాల్పడే వారిపై పీడీ యాక్ట్ నమోదుచేశారు.
రౌడీయిజాన్ని అరికట్టడం
కమిషనరేట్ పరిధిలో రౌడీయిజాన్ని పూర్తిగా నిర్మూలించేందుకు సిపి ఎప్పటికప్పుడు నేర సమీక్షలు చేస్తూ పోలీస్ అధికారులందరిని అలర్ట్ గా ఉంచడమే కాకుండా క్రైం రేట్ తగ్గించేందుకు కృషిచేస్తున్నారు.
ట్రాఫిక్ వ్యూహకర్త: శరవేగంగా విస్తరిస్తున్న నగరం ఎదుర్కొంటున్న ట్రాఫిక్ చిక్కుముడులను శాస్త్రీయ పద్ధతుల్లో పరిష్కరిస్తూ, వాహనదారుల ప్రయాణాన్ని సులభతరం చేస్తున్నారు.నగరంలో అనేక రూపాల్లో ట్రాఫిక్ అవగాహన సదస్సులు నిర్వహిస్తున్నారు.
సైబర్ కేటుగాళ్ల పాలిట యముడు: టెక్నాలజీ మాటున సాగుతున్న మోసాల పట్ల ప్రజలను నిరంతరం చైతన్యపరుస్తూ, కేటుగాళ్ల నెట్వర్క్ను ఛేదిస్తున్నారు.
ఏసీ గదుల కోసం కాదు.. ప్రజల కోసం!
సీపీ సన్ప్రీత్ సింగ్ (Warangal CP Sunpreet Singh) గారి శైలి చాలా విభిన్నం. ఆయన కేవలం కార్యాలయానికే పరిమితం కాకుండా, అర్ధరాత్రి వేళల్లో స్వయంగా రోడ్లపైకి వచ్చి పెట్రోలింగ్ను తనిఖీ చేస్తారు. బాధల్లో ఉన్న సామాన్యుడు ఎవరైనా సరే, ఎటువంటి సంకోచం లేకుండా ఆయనను కలిసి తమ గోడు చెప్పుకోవచ్చు. బాధితుల కన్నీళ్లు తుడుస్తూ ఆయన ఇచ్చే ‘భరోసా’ చట్టంపై సామాన్యుడికి గౌరవాన్ని పెంచుతోంది.”చట్టాన్ని గౌరవించే వారికి నేను రక్షకుడిని.. చట్టాన్ని అతిక్రమించే వారికి నేను శిక్షకుడిని” – ఇదే ఆయన నైజం, ఇదే ఆయన అప్రతిహత ప్రస్థానం!
సమాజంలో పోలీస్ వ్యవస్థపై విశ్వసనీయతను పెంచుతూ, నగరాన్ని ప్రశాంతతకు నిలయంగా మారుస్తున్న సన్ప్రీత్ సింగ్ వంటి డైనమిక్ అధికారి ఉండటం వరంగల్ వాసుల అదృష్టం. ఆయన నాయకత్వంలో వరంగల్ పోలీసింగ్ నేడు రాష్ట్రానికే ఒక రోల్ మోడల్గా నిలుస్తోంది.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.
