Author: Pramod Nameendla

Telangana Ration Cards : పాత రేషన్‌కార్డులు తీసివేస్తార‌ని వ‌స్తున్న వార్త‌ల‌పై తెలంగాణ స‌ర్కారు స్ప‌ష్ట‌త ఇచ్చింది. రేష‌న్ కార్డు తొల‌గిస్తామ‌నే అపొహలు ఏమంత్రం నమ్మొద్దని పౌరసరఫరాలశాఖ మంత్రి ఉత్తమ్‌కుమార్‌రెడ్డి స్ప‌ష్టం చేశారు. .ఏ ఒక్కరి రేషన్‌కార్డు తొలగించ‌బోమ‌ని ఆయ‌న‌ హామీ ఇచ్చారు పాత రేషన్‌కార్డులు తొలగించేది లేదు.. అర్హత ఉన్న ప్రతీ కుటుంబానికి కొత్త‌ రేషన్‌కార్డులు (Ration Cards) జారీ చేస్తామ‌ని మంత్రి ఉత్తమ్‌కుమార్‌రెడ్డి (Uttam Kumar Reddy) భ‌రోసా ఇచ్చారు. కొత్త రేషన్‌కార్డుల కోసం ప‌ది సంవ‌త్స‌రాలుగా పేదలు ఎంతో ఆశ‌గా ఎదురుచూస్తున్నార‌ని త‌మ ప్ర‌భుత్వం అధికారంలోకి వ‌చ్చాక అంద‌రి కోరిక నెరవేరబోతోందని తెలిపారు. కులగణనలో నమోదు చేసుకున్న సమగ్ర వివరాల ఆధారంగానే రేషన్‌కార్డులను జారీ చేస్తామ‌ని పేర్కొన్నారు. అర్హులైన వారి పేర్లు జాబితాలో లేకపోయినా ఎలాంటి అనుమానాలు, ఆందోళనలు పెట్టుక...