Tirupati temple tragedy : తిరుమ‌ల తిరుపతి దేవస్థానంలో జరిగిన తొక్కిసలాట (Tirupati stampede) లో ఆరుగురు ప్రాణాలు కోల్పోయి పదుల సంఖ్యలో గాయపడిన ఘటనపై ఆంధ్రప్రదేశ్ ముఖ్యమంత్రి ఎన్ చంద్రబాబు నాయుడు (Chief Minister N Chandrababu Naidu) న్యాయ విచారణకు ఆదేశించారు. దీంతో పాటు జిల్లా పోలీసు సూపరింటెండెంట్‌తో పాటు ముగ్గురు ఉన్నతాధికారులను బదిలీ చేశారు. విధి నిర్వహణలో నిర్లక్ష్యంగా వ్యవహరించిన డీఎస్పీ సహా ఇద్దరు అధికారులను సస్పెండ్ చేయాలని సీఎం చంద్రబాబు ఆదేశించారు.
ప్ర‌మాద ఘటన వద్ద ఇన్‌ఛార్జ్‌గా ఉన్న డీఎస్పీ రమణ్‌కుమార్‌, ఎస్వీ గోసాల డైరెక్టర్‌ డాక్టర్ హరినాథ్‌రెడ్డి సస్పెండ్ అయ్యారు. టీటీడీ జాయింట్ ఎగ్జిక్యూటివ్ ఆఫీసర్ కె.గౌతమి, ఎస్పీ సుబ్బరాయుడు, సీవీఎస్‌వో శ్రీధర్‌లు బదిలీ అయ్యారు.
శ్వాసకోశ సమస్యలతో బాధపడుతున్న మహిళను తరలించేందుకు పద్మావతి పార్క్ వద్ద గేట్లను తెరవాలని కోరిన‌పుడు డిఎస్పీ రమణ్ కుమార్ పూర్తి బాధ్యతా రాహిత్యాన్ని ప్రదర్శించారు’’ అని సీఎం చంద్రబాబు అన్నారు. అతను పరిస్థితిని మరింత మెరుగ్గా అంచనా వేసి ఉండాల్సింది. అని అన్నారు.
Tirupati stampede : మృతుల కుటుంబాలకు పరిహారం
విలేకరుల సమావేశంలో చంద్రబాబు తన సంతాపాన్ని వ్యక్తం చేశారు. మృతుల కుటుంబాలకు రూ. 25 లక్షలు, గాయపడిన వారికి రూ. 2 లక్షల పరిహారాన్ని ప్రకటించారు. గత ప్రభుత్వం ప్రవేశపెట్టిన కొత్త టోకెన్ సిస్టమ్ గందరగోళానికి కారణమై ఉండవచ్చని కూడా ఆయన అంగీకరించారు.
‘‘గతంలో చాలా సమస్యలు వచ్చాయి.. ప్రసాదం (అన్నదానం), అన్నదానం (భక్తులకు ఉచిత ఆహారం), కాటేజీలు, పరిపాలన ఇలా అన్నింటిని సరిచేస్తున్నాం. అకస్మాత్తుగా ఈ ఘటన జరిగింది. తిరుపతిలో ‘దర్శనం’ కోసం నా జీవితకాలంలో ఎప్పుడూ టోకెన్లు ఇవ్వలేదు. గత ఐదేళ్లుగా వైఎస్‌ఆర్‌సీపీ కొత్త పద్ధతులను ప్రవేశపెట్టారు’’ అని చంద్రబాబు అన్నారు.
కాగా తిరుపతిలోని ఎంజీఎం స్కూల్ సమీపంలోని బైరాగి పట్టెడలో బుధవారం రాత్రి వేంకటేశ్వర స్వామి ఆలయంలో 10 రోజుల వైకుంఠ ద్వార దర్శనం (Vaikunta Dwara Darshanam) కోసం టిక్కెట్లు తీసుకునేందుకు వందలాది మంది భక్తులు తరలివచ్చారు. జనవరి 10న ప్రారంభమయ్యే ఈ ఉత్సవాలకు దేశవ్యాప్తంగా భక్తులు తరలివచ్చారు.
అయితే తిరుపతిలో అడ్మినిస్ట్రేషన్, మానిటరింగ్ మెకానిజంలో లొసుగులు ఉన్నాయని, ఇది మరింత పటిష్టంగా ఉండాలని చంద్రబాబు పేర్కొన్నారు. అంతకుముందు క్షతగాత్రులు చికిత్స పొందుతున్న ఆసుపత్రిని ముఖ్యమంత్రి సందర్శించారు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
