New Delhi | దేశ రాజ‌ధాని న్యూఢిల్లీవాసులు ఎంతో కాలంగా ఎదురుచూస్తున్న యమునా నదిని శుద్ధి చేసే కార్యక్రమం (Yamuna River Cleaning) అధికారికంగా ప్రారంభమైంది, ఢిల్లీ లెఫ్టినెంట్ గవర్నర్ వికె సక్సేనా నదిని పునరుజ్జీవింపజేయడానికి నాలుగు దశల ప్రతిష్టాత్మక ప్లాన్ ను ప్ర‌క‌టించారు. చాలా సంవత్సరాల నిరీక్షణ తర్వాత, నదిలో చెత్తాచెదారాన్ని కాలుష్యాన్ని నివారించేందుకు ప్రభుత్వం మూడేళ్ల ప్రణాళికను ఆవిష్కరించింది.
నది నుంచి వ్యర్థాలను తొలగించడానికి చెత్త స్కిమ్మర్లు, కలుపు మొక్కలను తీసే యంత్రాలు, డ్రెడ్జ్ యుటిలిటీ క్రాఫ్ట్‌లను మోహరించామ‌ని ఢిల్లీ లెఫ్టినెంట్ గవర్నర్ కార్యాలయం తెలిపింది. కాలువల్లోకి మురుగునీటిని విడుదల చేస్తున్న పరిశ్ర‌మ‌ల‌పై కఠిన చర్యలు తీసుకోవాలని ఢిల్లీ కాలుష్య నియంత్రణ కమిటీ (DPCC)ని కూడా ఆదేశించారు.
సోషల్ మీడియా సైట్ X లో, LG కార్యాలయం ఈ తాజా చొర‌వ‌ను పోస్ట్ చేసింది. యమునా నదిని శుభ్రపరిచే ప్ర‌క్రియ అధికారికంగా ప్రారంభ‌మైంద‌ని పేర్కొంది. “గౌరవనీయ ప్రధానమంత్రి @narendramodi అసెంబ్లీ ఎన్నికల సమయంలో ఇచ్చిన హామీ ప్ర‌కారం యమున నదిని శుభ్రపరిచే ప్రయత్నాల్లో భాగంగా ఈరోజు డ‌స్క్‌ స్కిమ్మర్లు, కలుపు మొక్క‌ల కట్టర్లు, డ్రెడ్జ్ యుటిలిటీ క్రాఫ్ట్‌లతో పనిచేయ‌డం ప్రారంభించాయ‌ని అని ట్వీట్ లో పేర్కొంది.
Yamuna River నాలుగు-ర‌కాలుగా ప్రక్షాళన
- ముందుగా, యమునా నది ప్రవాహంలోని చెత్త, చెత్త బురదను తొలగిస్తారు.
- నజాఫ్‌గఢ్ డ్రెయిన్, సప్లిమెంటరీ డ్రెయిన్, అన్ని ఇతర ప్రధాన డ్రెయిన్లలో ఏకకాలంలో శుభ్రపరిచే కార్యకలాపాలు ప్రారంభమవుతాయి.
- అదే సమయంలో, ఇప్పటికే ఉన్న STP లపై వాటి సామర్థ్యం, ఉత్పత్తి పరంగా రోజువారీ నిఘా పెడ‌తారు.
- దాదాపు 400 MGD మురుగునీటిని శుద్ధి చేయడంలో వాస్తవ లోటును తీర్చడానికి కాలువలపై కొత్త STPలు/DSTPల నిర్మాణానికి చర్యలు తీసుకుంటారు.
కేంద్ర ప్రభుత్వం మూడు సంవత్సరాలలో యమునా నదిని శుభ్రపరచడం లక్ష్యంగా పెట్టుకుంది. ఇందులో ఢిల్లీ జల్ బోర్డు (DJB), నీటిపారుదల, వరద నియంత్రణ (I&FC), ఢిల్లీ మున్సిపల్ కార్పొరేషన్ (MCD), పర్యావరణ శాఖ, ప్రజా పనుల శాఖ (PWD), ఢిల్లీ డెవ‌ల‌ప్‌మెంట్ అథారిటీ (DDA) వంటి వివిధ సంస్థల మధ్య సమన్వయం ఉంటుంది అని LG కార్యాలయం తెలిపింది.
ఈ ప్రాజెక్టును వారానికొకసారి అత్యున్నత స్థాయిలో పర్యవేక్షిస్తామని LG కార్యాలయం తెలిపింది. జనవరి 2023లో నేషనల్ గ్రీన్ ట్రిబ్యునల్ (NGT) గవర్నర్ అధ్యక్షతన ఉన్నత స్థాయి కమిటీ (HLC)ని ఏర్పాటు చేసినప్పుడు పునరుజ్జీవన పనులు మిషన్ మోడ్‌లో ప్రారంభమయ్యాయి.
Work on cleaning Yamuna river has started with high-tech machines like trash skimmers, weed harvesters, and a dredge utility craft deployed.@santwana99 @NewIndianXpress pic.twitter.com/PNw0b8pdGB
— Anup Verma (@JournoAnup) February 16, 2025
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
