TTD Special Entry Darshan : తిరుమల తిరుపతి దేవస్థానం (Tirumala Tirupati Devasthanams) భక్తులకు శుభ‌వార్త చెప్పింది. మే నెలకు సంబంధించిన ప్రత్యేక ప్రవేశ దర్శనం (Special Entry Darshan) ఆన్‌లైన్ టికెట్లను విడుదల చేస్తున్న‌ట్లు తెలిపింది. ఇవి ఈ రోజు (ఫిబ్రవరి 24) ఉదయం 10 గంటల నుంచి అందుబాటులోకి వచ్చాయి. భ‌క్తులు ముంద‌స్తుగా బుక్ చేసుకోవ‌డం వ‌ల్ల ఈ టికెట్లు జారీ అవుతున్నాయి. అంతేకాదు.. మార్చి నెలకు సంబంధించిన‌ పద్మావతి అమ్మవారి తిరుచానూరు ప్రత్యేక దర్శనం టికెట్లు కూడా విడుదల చేస్తున్నట్లు దేవస్థానం వెల్లడించింది. భక్తులు వీటిని కూడా ఆన్‌లైన్‌లో బుక్ చేసుకోవచ్చ‌ని పేర్కొంది.

TTD Special Entry Darshan : వసతి కేటాయింపు

తిరుమల, తిరుపతిలో భక్తుల వసతి కోసం మే నెలకు సంబంధించిన వసతి కేటాయింపు ఈ రోజు (ఫిబ్రవరి 24న ) మ‌ధ్యాహ్నం నుంచి అందుబాటులోకి వ‌చ్చింది. భక్తులు TTD అధికారిక వెబ్‌సైట్ (www.ttdsevaonline.com) లేదా మొబైల్ అప్లికేషన్ ద్వారా తమ వసతి గదులను ముందుగా బుక్ చేసుకోవచ్చు. భక్తులకు వసతి సౌకర్యాన్ని మెరుగుపరచేందుకు ప్రత్యేకంగా వీఐపీ సూట్లు, జనరల్ రూంలు, వసతి భవనాలు వంటి అనేక విభాగాల్లో గదులను TTD అందుబాటులో ఉంచుతుంది. ప్రతి సంవత్సరం లక్షలాది మంది భక్తులు తిరుమలకు వస్తున్న‌ నేపథ్యంలో వీటిని ముందుగా రిజర్వ్ చేసుకోవడానికి అవ‌కాశం క‌ల్పించింది.

ఆహార సౌక‌ర్యం పట్ల ప్రత్యేక శ్రద్ధ

భక్తుల ఆరోగ్యాన్ని దృష్టిలో ఉంచుకొని టీటీడీ తమ అన్నప్రసాద కేంద్రాల్లో ఆహార నాణ్యతను మరింత మెరుగుపరచేందుకు కొత్త ప్రణాళికలను ప్రవేశపెట్టింది. ప్రస్తుతం మాతృశ్రీ తరిగొండ వెంగమాంబ అన్నప్రసాదం కేంద్రం భక్తులకు ఉచిత భోజనం అందించడంలో ఉన్నత ప్రమాణాలను పాటిస్తోంది. అయితే, ఈ సేవలను మరింత మెరుగుపరచేందుకు పారదర్శక విధానాలను, ఆధునిక సదుపాయాలను, భద్రతా చర్యలను తీసుకోవాలని దేవస్థానం నిర్ణయించింది.

ప్రధాన క్యాంటీన్ల పునర్నిర్మాణంలో TTD

తిరుమలలో భక్తులకు మెరుగైన ఆహార సౌకర్యాలను అందించేందుకు TTD సుమారు 10 పెద్ద క్యాంటీన్లు, 6 జనతా క్యాంటీన్లను నిర్వహిస్తోంది. వీటిని మరింత ఆధునికంగా మార్చేందుకు కొన్ని క్యాంటీన్ల నిర్వహణను ప్రైవేట్ సంస్థలకు అప్పగించాలని నిర్ణ‌యించింది. ఈ మార్పులలో భాగంగా నారాయణగిరి, అన్నమయ్య భవన్, బాలాజీ రెస్టారెంట్ వంటి ప్రధాన భవనాలను ఆంధ్రప్రదేశ్ టూరిజానికి అప్పగించే అవకాశముంది. అలాగే ఆలయ పరిసరాలలో ఉన్న ప్రధాన క్యాంటీన్‌ను ఒక ప్రైవేట్ సంస్థకు అప్పగించే అంశాన్ని కూడా టీటీడీ ప‌రిశీలిస్తోంది.

భక్తులకు ముఖ్యమైన సూచనలు

• ప్రత్యేక ప్రవేశ దర్శనం టికెట్లను భ‌క్తులు ముందుగానే బుక్ చేసుకోవాలి. ఆఖరి నిమిషంలో టికెట్లు లభించే అవకాశం తక్కువ. కాబ‌ట్టి ముందస్తుగానే బుక్ చేసుక‌కోవాలి.
• వసతి గదులను ముందుగా రిజర్వ్ చేసుకోవడం ఉత్తమం. తిరుమలలో బస చేసేందుకు గదులు తక్కువ ఉండటం వల్ల, ముందుగా బుక్ చేసుకోవడం భక్తులకు సౌకర్యంగా ఉంటుంది.
• ఆహార సౌక‌ర్యాన్ని భ‌క్తులు సద్వినియోగం చేసుకోవాలి. అన్నప్రసాద కేంద్రాల్లో ఉచిత భోజనం అందుబాటులో ఉంటుంది.
• ప్రత్యేక దర్శనం, వసతి, అన్నప్రసాద కేంద్రాల మార్పులపై తాజా సమాచారం కోసం TTD అధికారిక వెబ్‌సైట్‌ను చూడండి.

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం  సర్కార్ లైవ్ వెబ్ సైట్ ను సందర్శించండి.  అలాగే మా  ఫేస్ బుక్,వాట్సప్ చానల్, ఎక్స్(ట్విట్టర్)  ను  ఫాలో అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..