IndiGo airline : ఇండిగో ఎయిర్లైన్స్ ప్రపంచంలో రెండో (world’s second) వేగంగా అభివృద్ధి చెందుతున్న విమానయాన సంస్థగా గుర్తింపును తెచ్చుకుంది. 2024లో సీటు సామర్థ్యం (seat capacity)లో 10.1 శాతం వృద్ధిని సాధించింది. 134.9 మిలియన్ సీట్ల స్థాయికి చేరుకొని ఖతార్ ఎయిర్‌వేస్ (Qatar Airways) త‌ర్వాతి స్థానాన్ని సంపాదించుకుంది. గత సంవత్సరంతో పోల్చితే 10.4 శాతం వృద్ధిని ఇండిగో ఎయిర్లైన్స్ సాధించిందని అఫిషియ‌ల్ ఎయిర్‌లైన్ గైడ్ (Official Airline Guide (OAG) నివేదిక వెల్ల‌డించింది.
IndiGo airline : ఫ్రీక్వెన్సీ వృద్ధిలో అగ్రస్థానం
ఇండిగో సంస్థ 2024లో విమానాల ఫ్రీక్వెన్సీ వృద్ధిలో ప్రపంచంలోనే అగ్రస్థానంలో నిలిచింది. 9.7 శాతం వృద్ధితో 749,156 విమానాల ఫ్రీక్వెన్సీ నమోదు చేసింది. ఇది సంస్థ విస్తృత సేవలను సూచిస్తుంది. ఇండిగో ప్రస్తుతం 405 విమానాల నౌకాదళాన్ని కలిగి ఉంది. ఇందులో ఎయిర్‌బస్ A320-200, A320నియో, A321నియో, ATR 72-600 విమానాలు ఉన్నాయి. ఇది ప్రపంచంలోనే అతిపెద్ద ఎయిర్‌బస్ A320 నియో ఆపరేటర్‌గా నిలిచింది. భవిష్యత్తులో పెరుగుతున్న ట్రాఫిక్, డిమాండ్లను తీర్చడానికి సంస్థ 900కి పైగా విమానాలను ఆర్డర్ చేసింది. ఇది ప్రపంచంలోనే అతిపెద్ద విమాన ఆర్డర్లలో ఒకటి.
IndiGo airline Profits నికర లాభం ఎంత?
ఇండిగో సంస్థ 2024 ఆర్థిక సంవత్సరంలో రూ. 2,449 కోట్ల నికర లాభాన్ని సాధించింది. అయితే, ఇది గత ఆర్థిక సంవత్సరంతో పోల్చితే 18 శాతం తగ్గుదల. కానీ, సంస్థ ఆపరేషన్ల నుంచి వచ్చిన ఆదాయం 14 శాతం పెరిగి రూ.22,111 కోట్లలకు చేరుకుంది. మొత్తం ఆదాయం 14.6 శాతం పెరిగి రూ. 22,992.8 కోట్లకు చేరుకుంది. మొత్తం ఖర్చులు 19.9 శాతం పెరిగి రూ.20,465.7 కోట్లకు చేరుకున్నాయి. EBITDA 0.7 శాతం పెరిగి రూ. 5,178.6 కోట్లకు ఎగ‌బాకింది. లోడ్ ఫ్యాక్టర్ 86.9 శాతం, ఇది గత సంవత్సరం 85.8 శాతం కంటే ఎక్కువ.
దేశీయ మార్క్‌ట్‌లో IndiGo airline ప్రాధాన్యం
భారతదేశంలో ఇండిగో 63.6 శాతం దేశీయ మార్కెట్ షేర్‌తో అగ్రస్థానంలో ఉంది. 2023లో ఈ సంస్థ 100 మిలియన్ పైగా ప్రయాణికులను సేవలందించింది. ఇండిగో సంస్థ ప్రస్తుతం 125 గమ్యస్థానాలకు సేవలు అందిస్తోంది. ఇందులో 90 దేశీయ, 35 అంతర్జాతీయ గమ్యస్థానాలు ఉన్నాయి. ప్రతి రోజూ 2,200 పైగా విమానాలను నడుపుతోంది. భారతదేశంలో ఇండిగో 63.6 శాతం దేశీయ మార్కెట్ షేర్‌తో అగ్రస్థానంలో ఉంది. 2023లో ఈ సంస్థ 100 మిలియన్ పైగా ప్రయాణికులను సేవలందించింది.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
