Electricity Tariff in Telangana | హైదరాబాద్: వేసవిలో విద్యుత్ డిమాండ్ రికార్డు స్థాయికి పెరుగుతున్నప్పటికీ, 2025-26 సంవత్సరానికి విద్యుత్ ఛార్జీల పెంపు ప్రతిపాదనపై రాష్ట్ర ప్రభుత్వం కీలక ప్రకటన చేసింది. ఈ ఆర్థిక సంవత్సరంలో విద్యుత్ చార్జీలను పెంచేది లేదని స్పష్టం చేసింది. రాష్ట్ర విద్యుత్ నియంత్రణ కమిషన్ (ERC) చైర్మన్ జస్టిస్ డి. నాగార్జున్ ముందు రాష్ట్ర ప్రభుత్వం తరపున డిప్యూటీ ఇంధన కార్యదర్శి ఎస్. ప్రియదర్శిని హాజరయ్యారు ఈ సందర్భంగా మాట్లాడుతూ వినియోగదారులపై భారం పడకుండా విద్యుత్ సంస్థలకు పూర్తి ఆర్థిక సహాయం అందిస్తామని చెప్పారు.
Electricity Tariff : ఆర్థిక మద్దతు కొనసాగిస్తాం..
ఏ కేటగిరీకీ విద్యుత్ ఛార్జీల పెంపు (Electricity Tariff ) ఉండదని ప్రభుత్వం స్పష్టం చేసింది. 2003 విద్యుత్ చట్టం ప్రకారం, రాష్ట్ర ప్రభుత్వం విద్యుత్ సంస్థలకు ఆర్థిక సహాయం అందించడానికి కట్టుబడి ఉందని ప్రభుత్వం కమిషన్కు తెలియజేసింది. ఇదిలా ఉండగా ERC ముందు హాజరైన తెలంగాణ సదరన్ పవర్ డిస్ట్రిబ్యూషన్ కంపెనీ చైర్మన్, మేనేజింగ్ డైరెక్టర్ ముషారఫ్ అలీ ఫరూఖీ, జాయింట్ మేనేజింగ్ డైరెక్టర్ సి. శ్రీనివాస్ రావు టారిఫ్ ప్రతిపాదనలను ముందుకు తెచ్చారు వారు విద్యుత్ ఛార్జీలను పెంచడం లేదని తెలియజేశారు.
SPDCL 9,758 కోట్ల ఆదాయ లోటు
తెలంగాణ సదరన్ పవర్ డిస్ట్రిబ్యూషన్ కంపెనీ ప్రస్తుతం 9,758 కోట్ల ఆదాయ లోటును ఎదుర్కొంటుందని ముషారఫ్ అన్నారు. రాష్ట్ర ప్రభుత్వం సబ్సిడీ అందించి ఈ అంతరాన్ని పూడ్చాలని కోరారు. దేశంలో గరిష్ట విద్యుత్ డిమాండ్ 17,162 మెగావాట్లకు చేరుకుందని పేర్కొన్నారు. దేశంలోని విద్యుత్ కంపెనీలతో విద్యుత్ సంస్థ స్వాప్ ఒప్పందం కుదుర్చుకుందని, దీని వల్ల రూ.1,614 కోట్లు ఆదా అయ్యాయని ఫరూఖీ అన్నారు. 578.88 కోట్ల వ్యయంతో విద్యుత్ పంపిణీ నెట్వర్క్ను బలోపేతం చేస్తున్నామని పేర్కొంటూ, పంపిణీ నష్టాలు 8.38 శాతానికి తగ్గాయని ఆయన అన్నారు. విద్యుత్ కొనుగోలు ఖర్చు యూనిట్కు రూ.5.76కి తగ్గిందని, గరిష్ట లావాదేవీ రేటు వైఫల్యం 1.55 శాతం, పంపిణీ ట్రాన్స్ఫార్మర్ రేటు 5.7 శాతంగా ఉందని ఫరూఖీ కమిషన్కు తెలిపారు.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి. అలాగే మా ఫేస్ బుక్,వాట్సప్ చానల్, ఎక్స్(ట్విట్టర్) ను ఫాలో అవండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు..
