భాగ్యశ్రీ బోర్సే (Bhagyashri Borse) పూణే నగరానికి చెందిన నటి, మోడల్. ఆమె హిందీ చిత్రం యారియాన్ 2 (2023)తో అరంగేట్రం చేసి పాపుల‌ర్ అయింది.

ప్రముఖ దర్శకుడు హరీష్ శంకర్, మాస్ మహారాజ్ రవితేజ కాంబినేషన్‌లో 2024లో విడుదలైన తెలుగు సినిమా మిస్టర్ బచ్చన్ లో ఎంట‌ర్ అయింది. అంతే కాదు, ఈ సినిమాలో తన పాత్రకు స్వయంగా డబ్బింగ్ చెప్పుకుంది.

నైజీరియాలోని లాగోస్ లో భాగ్యశ్రీ బోర్సే చదువుకుంది. భారతదేశం తిరిగి వచ్చి ఆమె బిజినెస్ మేనేజ్మెంట్ డిగ్రీలో చేరింది. ఆ సమయంలోనే మోడలింగ్ కెరీర్ గా ఎంచుకుని ఒక ఎజెన్సీతో కలసి పనిచేసింది.

పలు బ్రాండ్లకు అంబాసిడర్ గా వ్యవహరించింది. క్యాడ్‌బరీ డైరీ మిల్క్ సిల్క్ యాడ్ తో ఆమె ప్రసిద్ధిచెందింది. అలా బాలీవుడ్ చిత్రం యారియాన్ 2లో రాజ్యలక్ష్మి పాత్రలో తన నటనతో యువతను ఆకట్టుకుంది.

Bhagyasri Borse చందు ఛాంపియన్ లోనూ నటించింది. హరీశ్ శంకర్ దర్శకత్వంలో వచ్చిన మిస్టర్ బచ్చన్ (2024) చిత్రంలో రవితేజ సరసన ఆమె నటించింది

మోడలింగ్ నుంచి సినీ పరిశ్రమలోకి ఎంట్రీ ఇచ్చిన భాగ్యశ్రీ బోర్సే.. తొలి చిత్రం ‘మిస్టర్ బచ్చన్’ పరాజయమైనా.. అవకాశాల మీద మాత్రం ఆమె క్రేజ్ తగ్గలేదు. టాలీవుడ్ లో వరుసగా అవకాశాలు అందుకుంటోంది.

నేచురల్ స్టార్ నానితో ‘దసరా’ తర్వాత శ్రీకాంత్ ఓదెల రూపొందిస్తున్న ‘ది ప్యారడైజ్’ లో భాగ్య‌శ్రీ త‌ళుక్కుమంటోంది. ఈ చిత్రం హీరోయిన్ రేసులో భాగ్యశ్రీ పేరు ప్రధానంగా చర్చలో ఉందని ఇండస్ట్రీ టాక్.

టాలీవుడ్ హీరో రామ్ పోతినేని నటిస్తున్న లేటెస్ట్ మూవీ ‘ఆంధ్ర కింగ్‌ తాలూకా’. పి. మహేశ్‌బాబు దర్శకత్వంలో తెరకెక్కుతున్న ఈ సినిమాలో భాగ్యశ్రీ బోర్సే హీరోయిన్ గా నటిస్తున్నారు. కన్నడ నటుడు ఉపేంద్ర కీలక పాత్ర పోషిస్తున్నారు.

ఇప్పటికే రిలీజైన లీడ్ కాస్ట్ క్యారక్టర్ పోస్టర్లు ఆకట్టుకున్నాయి. ప్రస్తుతం షూటింగ్ దశలో ఉన్న ఈ సినిమా మ్యూజికల్ ప్రమోషన్స్ స్టార్ట్ అయ్యాయి. తాజాగా 'నువ్వుంటే చాలే' అనే ఫస్ట్ సింగిల్ ను లాంచ్ చేసారు.