Availability of urea : ఖరీఫ్ సీజ‌న్-2025లో తెలంగాణ‌ (Telangana)కు యూరియాను రైతుల అవ‌స‌రాల‌కు అద‌నంగానే స‌ర‌ఫ‌రా చేశామ‌ని కేంద్రం ప్ర‌క‌టించింది. యూరియా కొర‌త ఉండొచ్చ‌ని రైతులు ఆందోళ‌న చెందుతున్న నేప‌థ్యంలో ఈ ప్ర‌క‌ట‌న చేసింది. తెలంగాణ‌లో యూరియా కొర‌త లేకుండా ప‌టిష్ఠ చ‌ర్య‌లు చేప‌ట్టామ‌ని కేంద్ర ర‌సాయ‌న ఎరువుల శాఖ స‌హాయ మంత్రి అనుప్రియ పటేల్ (Minister of State for Fertilisers Anupriya Patel) తెలిపారు. ఈ రోజు లోక్‌స‌భలో కాంగ్రెస్ ఎంపీ మ‌ల్లు ర‌వి (MP Mallu Ravi) అడిగిన ప్ర‌శ్న‌కు ఆమె ఈ మేర‌కు స‌మాధానం ఇచ్చారు.

యూరియా కొర‌త‌పై క్లారిటీ

ఖరీఫ్ సీజన్ (2025 Kharif season) సందర్భంగా తెలంగాణ రైతులకు అత్యంత కీలకమైన యూరియా ఎరువు (Fertiliser) సరఫరా గురించి కేంద్ర ప్రభుత్వం ఆశాజనకమైన సమాచారం ప్రకటించింది. యూరియా కొరత ఉండొచ్చని రైతులు అనుమానపడుతున్న సమయంలో కేంద్ర సహాయ మంత్రి అనుప్రియా పటేల్ ఇచ్చిన వివ‌ర‌ణ ఊర‌ట‌నిస్తోంది. తెలంగాణలో యూరియా సరఫరా పూర్తిగా సమృద్ధిగా ఉందని ఆమె స్పష్టం చేశారు.

Availability of urea : అవసరాన్ని మించి సరఫరా

ఖ‌రీఫ్ సీజ‌న్ 2025లో ఏప్రిల్ 1 నుంచి సెప్టెంబరు 30 వరకు తెలంగాణకు 9.80 లక్షల టన్నుల యూరియా అవ‌స‌రం ఉండ‌గా రాష్ట్రానికి కేంద్ర ప్ర‌భుత్వం 10.28 లక్షల టన్నులు పంపింద‌ని మంత్రి అనుప్రియ ప‌టేల్ చెప్పారు. అవసరానికి కంటే 48,000 టన్నులు అదనంగానే సరఫరా చేశామ‌ని ఆమె చెప్పారు. రాష్ట్రంలో ఎరువుల కొరత లేకుండా కేంద్రం తగిన చర్యలు చేప‌ట్టింద‌ని అన్నారు.

యూరియా వినియోగం ఎంత?

కేంద్ర మంత్రిత్వ శాఖ వెల్లడించిన లెక్కల ప్రకారం మొత్తం 10.28 లక్షల టన్నుల యూరియా తెలంగాణ‌కు అవ‌స‌రం ఉంది. ఇందులో రైతుల ద్వారా 9.79 లక్షల టన్నులు వినియోగం (fertiliser sales) అయ్యాయి. సెప్టెంబ‌రు 30 నాటికి 49 వేల‌ ట‌న్నుల స్టాక్ మిగిలి ఉంది. అంటే.. సెప్టెంబ‌రు ముగింపు నాటికి రాష్ట్రంలో సుమారు 50 వేల ట‌న్నుల యూరియా నిల్వలు ఇంకా అందుబాటులో ఉన్నాయని కేంద్రం స్ప‌ష్టం చేసింది.

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం సర్కార్ లైవ్ వెబ్ సైట్ ను సందర్శించండి.  అలాగే మా   వాట్సప్ చానల్, ఎక్స్(ట్విట్టర్)  ను  ఫాలో అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.