హన్మకొండ ములుగు రోడ్డులోని రియా హాస్పిటల్ మరియు రాంపూర్ గ్రామ పంచాయతీ సంయుక్త ఆధ్వర్యంలో సోమవారం గ్రామంలో ఉచిత వైద్య శిబిరం నిర్వహించారు. రాంపూర్ గ్రామ పంచాయతీ ప్రారంభోత్సవం సందర్భంగా సర్పంచ్ రడం భరత్ విజ్ఞప్తి మేరకు ఈ కార్యక్రమం చేపట్టారు.ఈ శిబిరంలో రియా హాస్పిటల్ కు చెందిన ప్రముఖ వైద్యులు పాల్గొని రోగులకు వైద్య పరీక్షలు నిర్వహించారు:
డాక్టర్ వుప్పల రవీందర్ (MD, జనరల్ ఫిజీషియన్)
డాక్టర్ గన్ను కృష్ణమూర్తి (MS, ఆర్థో – ఎముకల నిపుణులు)
డాక్టర్ హర్షవర్ధన్
డాక్టర్ నర్సింహ స్వామి (గీసుగొండ)
ముఖ్య విశేషాలు:
గ్రామంలోని సుమారు 250 మంది రోగులకు ఉచితంగా OP (అవుట్ పేషెంట్) సేవలు అందించారు.వచ్చిన వారందరికీ రక్త పరీక్షలు మరియు షుగర్ టెస్టులు ఉచితంగా నిర్వహించారు.కీళ్ల నొప్పులు, బిపి, షుగర్ మరియు ఇతర సాధారణ ఆరోగ్య సమస్యలతో బాధపడుతున్న వారికి వైద్యులు తగిన సలహాలు, సూచనలు ఇచ్చారు.
ఈ సందర్భంగా సర్పంచ్ రడం భరత్ మాట్లాడుతూ.. గ్రామీణ ప్రాంత ప్రజల ఆరోగ్యాన్ని దృష్టిలో ఉంచుకుని, తన విజ్ఞప్తిని మన్నించి ఉచిత శిబిరం నిర్వహించిన రియా హాస్పిటల్ యాజమాన్యానికి మరియు వైద్య బృందానికి ప్రత్యేక కృతజ్ఞతలు తెలిపారు. ఈ కార్యక్రమంలో గ్రామ పంచాయతీ పాలకవర్గం, హాస్పిటల్ సిబ్బంది మరియు గ్రామస్తులు పాల్గొన్నారు.
