CM Revanth Japan tour : జపాన్ రాజధాని టోక్యోలోని చారిత్రక ఇండియా హౌస్‌లో తెలంగాణ సీఎం ఎ.రేవంత్ రెడ్డి (Telangana Chief Minister A. Revanth Reddy) కి ఘన స్వాగతం లభించింది. తెలంగాణ రైజింగ్ (Telangana Rising) పేరుతో రేవంత్‌ నేతృత్వంలో ఏర్పాటైన ప్రతినిధి బృందం ప్రస్తుతం జపాన్ పర్యటనలో (Japan tour) ఉంది. ఈ సందర్భంగా జపాన్‌లో రేవంత్‌కు భారత రాయబారి శిభూ జార్జ్ స్వాగ‌తం ప‌లికారు. ఇండియా హౌస్‌లో ప్రత్యేక భోజ‌నాలు ఏర్పాటు చేశారు. దాదాపు వందేళ్ల చరిత్ర కలిగిన ఈ డిప్లొమాటిక్ నివాసంలో జరిగిన ఈ వేడుక భారతదేశం, జపాన్ మధ్య పెరుగుతున్న సంబంధాలను ప్రతిబింబింగా నిలిచింది.

CM Revanth Japan tour : పరస్పర సంబంధాలు బలపడే చర్చలు

ఈ ప్రత్యేక కార్యక్రమానికి భారత రాజకీయ రంగంలోని ప్రముఖులు (Indian political leaders) హాజరయ్యారు. డీఎంకే ఎంపీ కనిమొళి కరుణానిధి, కాంగ్రెస్ ఎంపీ కె. రఘువీర రెడ్డి, మాజీ కేంద్ర మంత్రి, ఎంపీ నెపోలియన్ తదితరులు ఈ కార్యక్రమంలో పాల్గొన్నారు. వీరితో పాటు పలువురు సీనియర్ అధికారులు కూడా హాజరయ్యారు. ఈ భేటీ సమయంలో భారత రాష్ట్రాలు.. ముఖ్యంగా తెలంగాణ- జపాన్ (Japan) మధ్య సహకారాన్ని మరింత విస్తరించేందుకు, పెట్టుబడి అవకాశాల (investment opportunities)ను అన్వేషించేందుకు, పరస్పర సంబంధాలను బలపరిచేందుకు చర్చలు జరిగాయి. అధికారిక ప్రకటన ప్రకారం ఈ పర్యటన తెలంగాణ రాష్ట్ర అభివృద్ధిని అంతర్జాతీయ స్థాయిలో ప్రాచుర్యం చేయడానికి, ప్రపంచస్థాయి భాగస్వామ్యాలను ఆకర్షించడానికి, రాష్ట్రానికి పెట్టుబడులు తీసుకురావడానికి ముఖ్యమైన ఘట్టంగా మారింది.

అభివృద్ధికి దోహ‌ద‌ప‌డుతుంటున్న నేత‌లు

ఈ పర్యటన తెలంగాణ రాష్ట్రానికి వాణిజ్య, పారిశ్రామిక, సాంకేతిక రంగాల్లో అవకాశాలను తెచ్చిపెట్టేలా ఉండనుంది. ముఖ్యంగా జపాన్ (Japan) వంటి అభివృద్ధి చెందిన దేశం నుంచి పెట్టుబడుల (investment)ను ఆకర్షించేందుకు ఇదొక కీలక దశగా మారే అవకాశం ఉంది. ముఖ్యమంత్రి ఈ పర్యటన ద్వారా తెలంగాణ రాష్ట్రాన్ని గ్లోబల్ బిజినెస్ మ్యాప్‌పై నిలబెట్టేందుకు ప్ర‌య‌త్నిస్తున్నార‌ని అధికార పార్టీ నేత‌లు అంటున్నారు. ఇలాంటి కార్యక్రమాల ద్వారా తెలంగాణ రాష్ట్రానికి విదేశీ పెట్టుబడుల ద్వారా ఉద్యోగావకాశాలు, ఆధునిక సాంకేతిక పరిజ్ఞానం, పారిశ్రామిక వృద్ధి వంటి అనేక ప్రయోజనాలు కలుగుతాయని అభిప్రాయ‌ప‌డుతున్నారు.

తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం  సర్కార్ లైవ్ వెబ్ సైట్ ను సందర్శించండి.  అలాగే మా  ఫేస్ బుక్,వాట్సప్ చానల్, ఎక్స్(ట్విట్టర్)  ను  ఫాలో అవండి.  మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.